എം പി ഗംഗാധരന്‍ മുഖ്യമന്ത്രിയെ കണ്ടു

തിരുവനന്തപുരം: ഐ വിഭാഗം നേതാവ് എം പി ഗംഗാധരന്‍ മുഖ്യമന്ത്രി ആന്റണിയെ കണ്ടു. നവംബര്‍ 19 ചൊവാഴ്ച രാവിലെ മുഖ്യമന്ത്രിയുടം ഓഫീസ് മുറിയിലെത്തിയാണ് ഗംഗാധരന്‍ മുഖ്യമന്ത്രിയെ കണ്ടത്. ഐ വിഭാഗത്തിന്റെ ആവശ്യങ്ങള്‍ ഉന്നയിയ്ക്കാനായാണ് ഗംഗാധരന്‍ ആന്റണിയെ കണ്ടത്.

നേരത്തേ 26 ഐ വിഭാഗം എം എല്‍ എ മാരും ഒരുമിച്ച് മുഖ്യമന്ത്രിയെ കാണാനാണ് നിശ്ചയിച്ചിരുന്നത്. എന്നാല്‍ അതിന് മുഖ്യമന്ത്രി വഴങ്ങിയില്ല. തുടര്‍ന്ന് എന്താണ് വേണ്ടതെന്ന് ഐ വിഭാഗം എം എല്‍ എ മാര്‍ യോഗം ചേര്‍ന്ന് ആലോചിച്ചിരുന്നു. ഈ യോഗമാണ് മുഖ്യമന്ത്രിയെ കണ്ട് ആവശ്യങ്ങള്‍ ഉന്നയിയ്ക്കാനായി എം പി ഗംഗാധരനെ ചുമതലപ്പെടുത്തിയത്.

മന്ത്രിസഭാ പുനസംഘടന, പൊലീസ് നയം മാറ്റല്‍ തുടങ്ങിയ ആവശ്യങ്ങള്‍ ഗംഗാധരന്‍ മുഖ്യമന്ത്രിയുടെ മുന്നില്‍ ഉന്നയിച്ചു.