മൊബൈലിലൂടെ ടിക്കറ്റ് ബുക്കിംഗ്

ദില്ലി: മൊബൈല്‍ ഫോണ്‍ വഴി മുംബൈ, തമിഴ്നാട്, കര്‍ണാടക, ആന്ധ്രാപ്രദേശ് എന്നിവിടങ്ങളിലേക്ക് ട്രെയിന്‍ ടിക്കറ്റുകള്‍ ബുക്കുചെയ്യാനുള്ള സംവിധാനം റെയില്‍വെ ഏര്‍പ്പെടുത്തുന്നു.

ഹച്ച്, റിലയന്‍സ് മൊബൈല്‍ ഫോണുകളിലൂടെ മാത്രമെ ഈ സൗകര്യം ലഭ്യമാകൂ. ഒരു പൊതുനമ്പര്‍ വഴിയാണ് ഈ സംവിധാനമേര്‍പ്പെടുത്തുന്നത്.

അടുത്ത സാമ്പത്തികവര്‍ഷാവസാനത്തോടെ എല്ലാസ്ഥലങ്ങളിലും ഈ സൗകര്യമേര്‍പ്പെടുത്താന്‍ റെയില്‍വെ ആലോചിക്കുന്നുണ്ട്. ട്രെയിനുകളുടെ സമയക്രമവും മൊബൈല്‍ വഴി യാത്രക്കാരെ അറിയിക്കാനുള്ള സംവിധാനം നിലവില്‍കൊണ്ടുവരാനും ഉദ്ദേശമുണ്ട്.