കുഞ്ഞാലിക്കുട്ടി മാഫിയാ തലവന്‍: അജിത

കോഴിക്കോട്: ദേശീയ വിദുദ്ധ പ്രവര്‍ത്തനം നടത്തുന്ന മാഫിയാ തലവനാണ് മന്ത്രി പി. കെ. കുഞ്ഞാലിക്കുട്ടിയെന്ന് അന്വേഷി പ്രസിഡന്റ് കെ. അജിത ആരോപിച്ചു.

തനിക്കെതിരായ ആരോപണങ്ങള്‍ തന്റെ സമുദായത്തിനെതിരാണെന്ന് വരുത്തിത്തീര്‍ക്കാനാണ് കുഞ്ഞാലിക്കുട്ടി ശ്രമിക്കുന്നത്. ഇത് ആ സമുദായത്തിന് തന്നെ ദോഷം ചെയ്യും. ഹിന്ദു-മുസ്ലിം വര്‍ഗീയത ഉണ്ടാക്കാനാണ് കുഞ്ഞാലിക്കുട്ടി ശ്രമിക്കുന്നത്. ഇത് അപകടകരമാണ്- നവംബര്‍ 30 ചൊവ്വാഴ്ച നടത്തിയ വാര്‍ത്താസമ്മേളനത്തില്‍ അജിത പറഞ്ഞു.

കുഞ്ഞാലിക്കുട്ടി രാജിവയ്ക്കണമെന്ന് ആവശ്യപ്പെട്ട് സ്ത്രീവേദി ഡിസംബര്‍ 10ന് സെക്രട്ടറിയേറ്റിന് മുന്നില്‍ ധര്‍ണ നടത്തുമെന്ന് അജിത അറിയിച്ചു.