ആന്റണി ആഭ്യന്തരവകുപ്പ് ഒഴിയണം: നായനാര്‍

കോഴിക്കോട്: മുഖ്യമന്ത്രി എ. കെ. ആന്റണി ആഭ്യന്തരവകുപ്പ് ഒഴിയണമെന്ന് മുന്‍മുഖ്യമന്ത്രി ഇ. കെ. ആവശ്യപ്പെട്ടു.

കോഴിക്കോട് എസ് എഫ് ഐ പ്രവര്‍ത്തകര്‍ക്ക് നേരെ നടന്ന പൊലീസ് ലാത്തിച്ചാര്‍ജിനെ കുറിച്ച് ജുഡീഷ്യല്‍ അന്വേഷണം നടത്തണമെന്ന് ആവശ്യപ്പെട്ട് ഡിസംബര്‍ മൂന്ന് ചൊവാഴ്ച സി പി എം നടത്തിയ ഐ ജി ഓഫീസ് മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം.

പൊലീസിനെ നിയന്ത്രിക്കാനാവാത്ത ആന്റണിയ്ക്ക് വിദ്യാഭ്യാസ മേഖലയിലെ പ്രശ്നങ്ങള്‍ പരിഹരിക്കാനാവില്ലെന്ന് നായനാര്‍ പറഞ്ഞു.

മാര്‍ച്ചിന് സി പി എം കോഴിക്കോട് ജില്ലാ സെക്രട്ടറി ദക്ഷിണാമൂര്‍ത്തി നേതൃത്വം നല്‍കി.