വീരപ്പനെ പിടിക്കും: അദ്വാനി

അഹമ്മദാബാദ് : വീരപ്പന്റെ ശല്യം എന്നെന്നേക്കുമായി അവസാനിപ്പിക്കാന്‍ നടപടിയെടുക്കുമെന്ന് ഉപപ്രധാനമന്ത്രി എല്‍.കെ. അദ്വാനി അറിയിച്ചു. ഡിസംബര്‍ ഒമ്പത് തിങ്കളാഴ്ച നാഗപ്പയുടെ മരണവാര്‍ത്തയോട് പ്രതികരിക്കുകയായിരുന്നു അദ്വാനി.

വീരപ്പന്റെ ശല്യം അവസാനിപ്പിക്കാന്‍ കേന്ദ്രം മുന്‍കൈയെടുക്കും. ഇതിനായി പ്രത്യേകസേനയെ വിട്ടുകൊടുക്കുകയും ചെയ്യും. - അദ്വാനി പറഞ്ഞു.

നാഗപ്പയുടെ മരണം അത്യന്തം പൈശാചികമായ സംഭവമാണെന്ന് ബാംഗ്ലൂരില്‍ മുഖ്യമന്ത്രി എസ്.എം. കൃഷ്ണ പറഞ്ഞു. വീരപ്പനെ ഇല്ലാതാക്കാന്‍ വേണ്ട നടപടികള്‍ ഈ സര്‍ക്കാര്‍ എടുക്കുമെന്നും കൃഷ്ണ പറഞ്ഞു. നാഗപ്പയുടെ മരണം വീരപ്പന്റെ ശല്യം എന്നെന്നേക്കുമായി ഒഴിവാക്കാനുള്ള നടപടിയെടുക്കുന്നതിന് കരുത്ത് നല്കട്ടെയെന്നും കൃഷ്ണ അഭിപ്രായപ്പെട്ടു.