ശബരിമല: വരവ് 30 കോടി കവിഞ്ഞു

ശബരിമല: ശബരിമല അയ്യപ്പ ക്ഷേത്രത്തിലെ ഈ മണ്ഡലകാലത്തെ വരവ് 30 കോടി കവിഞ്ഞു. കഴിഞ്ഞ വര്‍ഷത്തേക്കാള്‍ നാല് കോടിയിലേറെ രൂപയാണ് ഇത്തവണ വരവുണ്ടായത്.

ഡിസംബര്‍ 24 ചൊവാഴ്ച വരെയുള്ള വരവ് 30,63,90,613 രൂപയാണെന്ന് തിരുവിതാംകൂര്‍ ദേവസ്വം ബോര്‍ഡ് പബ്ലിക് റിലേഷന്‍സ് ഓഫീസര്‍ മോഹന്‍ പെരിനാട് അറിയിച്ചു. കഴിഞ്ഞ വര്‍ഷം ഈ സമയത്തിനുള്ളിലുണ്ടായ വരവ് 26,33,21,478 രൂപയായിരുന്നു.

അരവണ പായസത്തിന്റെ വില്പനയില്‍ നിന്ന് മാത്രമുണ്ടായ വരവ് 10,83,42,705 രൂപയുടേതാണ്. കഴിഞ്ഞ വര്‍ഷം ഇത് 8,98,58,87 രൂപയുടേതായിരുന്നു. അപ്പവില്പനയുടെ വരവ് 3,81,40,130 രൂപയാണ്. ഹുണ്ടി വരവ് 11,21,71,786 രൂപയാണ്.