ക്വത്റോച്ചി: ഇന്റര്‍പോളിന്റെ സഹായം തേടി

ദില്ലി: ബോഫോഴ്സ് കോഴക്കേസിലെ പ്രതി ഇറ്റാലിയന്‍ കച്ചവടപ്രമുഖന്‍ ഒട്ടേവിയോ ക്വത്റോച്ചിയെ കണ്ടെത്തുന്നതിന് സി ബി ഐ ഇന്റര്‍പോളിന്റെ സഹായം തേടി.

ക്വത്റോച്ചിയെ കൈമാറുന്നത് സംബന്ധിച്ച കേസില്‍ വിജയിച്ചതിനെ തുടര്‍ന്ന് അയാള്‍ മലേഷ്യയിലെ കൊലാലംപൂരില്‍ നിന്ന് ഇറ്റലിയിലേക്ക് പോയിരിക്കുകയാണെന്നാണ് റിപ്പോര്‍ട്ട്. ഫ്രാന്‍സിലെ ഇന്റര്‍പോള്‍ ആസ്ഥാനവുമായി സി ബി ഐ അധികൃതര്‍ ബന്ധപ്പെട്ടു.

ക്വത്റോച്ചിയെ കുറിച്ചുള്ളവിവരങ്ങള്‍ കണ്ടെത്തുന്നതിന് മലേഷ്യന്‍ അധികൃതരുമായും ഇറ്റാലിയന്‍ അധികൃതരുമായി സി ബി ഐ ബന്ധപ്പെട്ടിട്ടുണ്ട്. ക്വത്റോച്ചിയുടെ പാസ്പോര്‍ട്ട് കസ്റഡിയിലെടുക്കുന്നതിന് മലേഷ്യന്‍ പരമോന്നത കോടതി ഉത്തരവിട്ടിരുന്നു. അയാളുടെ താമസസ്ഥലത്തെ കുറിച്ച് മലേഷ്യന്‍ പൊലീസ് ഇതുവരെ വിവരങ്ങളൊന്നും ലഭിച്ചിട്ടില്ല.