വീരപ്പന്റെ തലയ്ക്ക് അഞ്ച് കോടി

ബാംഗ്ലൂര്‍: വീരപ്പന്റെ തലയ്ക്കുള്ള വില അഞ്ചുകോടിയായി ഉയര്‍ത്താന്‍ കര്‍ണ്ണാടക സര്‍ക്കാര്‍ തീരുമാനിച്ചു. ജീവനോടെയോ അല്ലാതെയോ വീരപ്പനെ പിടിക്കാന്‍ സഹായിക്കുന്ന ആര്‍ക്കും ഈ തുക നല്കുമെന്ന് ആഭ്യന്തരമന്ത്രി മല്ലികാര്‍ജ്ജുന്‍ ഖാര്‍ഗെ പറഞ്ഞു.

നേരത്തെ വീരപ്പന്റെ തലയ്ക്ക് രണ്ട് കോടി വിലയിട്ടിരുന്നു. നിയമസഭയിലാണ് ആഭ്യന്തരമന്ത്രി ഈ പ്രഖ്യാപനം നടത്തിയത്. നാഗപ്പയുടെ വധത്തെ സംബന്ധിച്ച് കര്‍ണ്ണാടക ഹൈക്കോടതി റിട്ട. ജഡ്ജി വൈദ്യനാഥന്‍ അന്വേഷിക്കും.

വീരപ്പനെ പിടികൂടാന്‍ സഹായകരമായ വിവരം നല്കുന്ന വ്യക്തികള്‍ക്കോ, സംഘടനകള്‍ക്കോ, പൊലീസ് ഓഫീസര്‍മാര്‍ക്കോ ഈ തുക നല്കുമെന്നും ഖാര്‍ഗെ പറഞ്ഞു.