എന്‍ആര്‍ഐ നിക്ഷേപത്തിന് നികുതിപാടില്ല: മുഖ്യമന്ത്രി

തിരുവനന്തപുരം: വിദേശഇന്ത്യക്കാരുടെ നിക്ഷേപത്തിന് നികുതി ചുമത്താനുള്ള കേല്‍ക്കാര്‍ സമിതിയുടെ റിപ്പോര്‍ട്ട് നടപ്പാക്കരുതെന്ന് മുഖ്യമന്ത്രി എ.കെ. ആന്റണി പറഞ്ഞു. ജനവരി ഒന്ന് ബുധനാഴ്ച മന്ത്രിസഭായോഗതീരുമാനങ്ങള്‍ വിശദീകരിക്കുകയായിരുന്നു മുഖ്യമന്ത്രി.

ഇത് നടപ്പാക്കിയാല്‍ കേരളത്തെ പ്രതികൂലമായി ബാധിക്കും. കാരണം കേരളത്തിലേക്കെത്തുന്ന നിക്ഷേപത്തില്‍ മുഖ്യം വിദേശമലയാളികളുടെ നിക്ഷേപമാണ്.

ഈ നിര്‍ദേശം നടപ്പാക്കാതിരിക്കാന്‍ കേരളം കേന്ദ്രത്തില്‍ പരമാവധി സമ്മര്‍ദ്ദം ചെലുത്തുമെന്നും മുഖ്യമന്ത്രി പറഞ്ഞു.