പള്‍സ് പോളിയൊ മരുന്ന് വിതരണം ശനിയാഴ്ച

തിരുവനന്തപുരം: കേരളമെങ്ങുമുള്ള കുട്ടികള്‍ക്ക് രണ്ട് ദിവസങ്ങളിലായി പള്‍സ് പോളിയോ മരുന്ന് വിതരണം ചെയ്യും. സര്‍ക്കാരിന്റെ ആരോഗ്യ വകുപ്പാണ് ഇത് ചെയ്യുന്നത്.

ജനവരി അഞ്ചിന് നടക്കുന്ന പോളിയോ നിര്‍മാര്‍ജ്ജന പരിപാടിവഴി സംസ്ഥാനത്തൊട്ടാകെ മുപ്പതു ലക്ഷം കുട്ടികള്‍ക്കാണ് മരുന്ന് നല്‍കുന്നത്. അഞ്ച് വയസിന് താഴെയുള്ള കുട്ടികള്‍ക്കാണ് മരുന്ന് നല്‍കുന്നത്. തുള്ളി മരുന്നാണ് കുട്ടികള്‍ക്ക് നല്‍കുന്നത്. പരിപാടി ജനവരി ഒമ്പതിന് അവസാനിയ്ക്കും.

കേരളത്തിലൊട്ടാകെ 58, 80,423 വീടുകളില്‍ നിന്നുള്ള കുഞ്ഞുങ്ങള്‍ നാളെ പോളിയോ ബൂത്തിലെത്തും. ഒട്ടാകെ 29,36,578 കുട്ടികള്‍. 11,7,24 കേന്ദ്രങ്ങളാണ് പോളിയോ വാക്സിന്‍ നല്‍കാനായി സജ്ജമാക്കിയിട്ടുളളത്. 250 കുട്ടികള്‍ക്ക് ഒരു ബൂത്ത് എന്നതാണ് കണക്ക്.

മലപ്പുറം ജില്ലയിലാണ് ഏറ്റവും കൂടുതല്‍ കുട്ടികള്‍ക്ക് പള്‍സ് പോളിയോ വാക്സിന്‍ നല്‍കുന്നത്. 6,90,834 വീടുകളില്‍ നിന്ന് 3,91,126 കുട്ടികള്‍ നാളെ പോളിയോ ബൂത്തുകളിലെത്തും. വയനാട് ജില്ലയിലാണ് ഈ ആനുകൂല്യം നേടുന്ന കുഞ്ഞുങ്ങള്‍ ഏറ്റവും കുറവ്. 1, 59,581 വീടുകളില്‍ നിന്നായി 77,5,61 കുഞ്ഞുങ്ങള്‍.

മരുന്ന് വിതരണത്തിന്റെ സംസ്ഥാനതല ഉല്‍ഘാടനം കൊച്ചിയില്‍ ലോക്സഭാ ഡെപ്യൂട്ടി സ്പീക്കര്‍ പി എം സെയ്ത് നിര്‍വഹിയ്ക്കും.