ആദിവാസികള് കുടില് കെട്ടാന് തുടങ്ങി
കല്പറ്റ: വയനാട്ടില് ആദിവാസി നേതാവ് സി. കെ. ജാനുവിന്റ നേതൃത്വത്തില് ആദിവാസികള് വനം കൈയേറി കുടില് കെട്ടാന് തുടങ്ങി.
മുത്തങ്ങയിലെ എണ്പത് പ്ലാന്റേഷനിലാണ് ആദിവാസികള് കുടില് കെട്ടാന് തുടങ്ങിയത്. ജില്ലയുടെ വിവിധ ഭാഗങ്ങളില് നിന്ന് രണ്ടായിരത്തോളം ആദിവാസികള് ഇവിടെയെത്തിയിട്ടുണ്ട്.
ഡിസംബര് നാല് ശനിയാഴ്ച രാവിലെയോടെ ആദിവാസികള് കല്ലൂര് പുലിതൂക്കി കോളനിയിലെത്തി. തുടര്ന്ന് ശനിയാഴ്ച രാത്രി ലോറിയില് ബത്തേരിയിലേക്ക് പോയി.
പണിയായുധങ്ങളും കൃഷി ചെയ്യാനുള്ള സാഗ്രികളും ആദിവാസികള് കൊണ്ടുപോയിട്ടുണ്ട്. വളര്ത്തുമൃഗങ്ങളെയും പ്രത്യേക വാഹനങ്ങളില് കൊണ്ടുപോയി.
തീര്ത്തും ആസൂത്രിതമായാണ് ആദിവാസികള് കയ്യേറ്റവും കുടില് കെട്ടലും നടത്തിയത്. പുലിതൂക്കി കോളനിയില് മൂന്ന് ദിവസത്തെ ആദിവാസി ക്യാമ്പ് നടക്കുന്നതിന്റെ ബോര്ഡ് സ്ഥാപിച്ചതിനാല് ആദിവാസികള് തമ്പടിക്കുന്നതിനെ പറ്റി ആര്ക്കും സംശയം തോന്നിയില്ല. പിന്നീട് പുല്പ്പള്ളി സീതാദേവി ക്ഷേത്രത്തിലെ ഉത്സവത്തിന് പോകുന്നുവെന്ന് പറഞ്ഞാണ് ആദിവാസികള് ബത്തേരിയിലേക്ക് തിരിച്ചത്.