കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പുലികളുമായി നാലാം വട്ട ചര്‍ച്ച തുടങ്ങി

  • By Staff
Google Oneindia Malayalam News

ബാങ്കോക്ക്: തമിഴ് പുലികളുമായി ശ്രീലങ്കാ സര്‍ക്കാര്‍ നടത്തുന സമാധാന ചര്‍ച്ചകളുടെ നാലാം ഘട്ടം ജനവരി ആറ് തിങ്കളാഴ്ച ബാങ്കോക്കില്‍ തുടങ്ങി.

ശ്രീലങ്കയിലെ പുലി മേഖലയില്‍നിന്ന് സര്‍ക്കാര്‍ സൈന്യം പിന്മാറുന്നതാണ് പ്രധാനമായും ഈ ചര്‍ച്ചയിലെ വിഷയം. അതുകൊണ്ട് തന്നെ ഈ ചര്‍ച്ച മുന്‍ ചര്‍ച്ചകളേപ്പോലെ അനായാസം പൂര്‍ത്തിയാവുമെന്ന് കരുതുന്നില്ല. നിരുപാധികം സൈന്യത്തെ പിന്‍വലിയ്ക്കണമെന്നാണ് തമിഴ് പുലികളുടെ ആവശ്യം. എന്നാല്‍ തമിഴ് പുലികള്‍ ആയുധം ഉപേക്ഷിച്ചാല്‍ മാത്രമേ സൈന്യത്തെ പിന്‍വലിയ്ക്കാന്‍ കഴിയുകയുള്ളൂ എന്നാണ് സര്‍ക്കാരിന്റെ നിലപാട്.

മനുഷ്യാവകാശ പ്രശ്നങ്ങളും ചര്‍ച്ചയ്ക്ക് വരുന്നുണ്ട്. എന്ത് വന്നാലും ചര്‍ച്ചകള്‍ വഴിമുട്ടരുതെന്ന നിലപാടാണ് ശ്രീലങ്ക സ്വീകരിയ്ക്കുന്നതെന്ന് കരുതുന്നു.

ഇരുപക്ഷവും സ്വീകരിച്ചിരിയ്ക്കുന്ന ഈ നിലപാടാണ് ചര്‍ച്ച വിഷമകരമാവാന്‍ കാരണമായി രാഷ്ട്രീയ നിരീക്ഷകര്‍ കാണുന്നത്.

കഴിഞ്ഞ മൂന്നു വട്ട ചര്‍ച്ചകളില്‍ പ്രതീക്ഷിച്ചതിനേക്കാള്‍ മികച്ച പുരോഗമനം ഉണ്ടായിരുന്നു. തീരുമാനങ്ങളും അതിവേഗം ഉണ്ടായി.

ആദ്യ രണ്ട് വട്ട ചര്‍ച്ചകള്‍ ബാങ്കോക്കിലായിരുന്നു. എന്നാല്‍ മൂന്നാം വട്ട ചര്‍ച്ച നടന്നത് നോര്‍വേയില്‍ വച്ചായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X