അനുവാദമില്ലാതെ ടി. എച്ച്. മുസ്തഫ മത്സരിക്കുന്നു
തൃശൂര്: കാര്ഷിക സര്വകലാശാല നിര്വാഹക സമിതി തിരഞ്ഞെടുപ്പില് കോണ്ഗ്രസ് നേതാവ് ടി. എച്ച്. മുസ്തഫ എം എല് എ പാര്ട്ടിയുടെ അനുവാദമില്ലാതെ മത്സരിക്കുന്നു.
നിര്വാഹക സമിതിയിലേക്കുള്ള ആറ് അനൗദ്യോഗിക അംഗങ്ങളുടെ തിരഞ്ഞെടുപ്പ് ജനവരി 25നാണ്. മൂന്ന് ജനറല് സീറ്റിലേക്ക് കോണ്ഗ്രസ് നിര്ദേശ പ്രകാരം അഡ്വ. എ. ത്രിവിക്രമന് തമ്പി, സി. എസ്. വിദ്യാസാഗര്, പ്രൊഫ. കെ. പി. മുകുന്ദന് എന്നിവരാണ് പത്രിക നല്കിയിരിക്കുന്നത്.
ജെ എസ് എസ് നേതാവ് ഉമേഷ് ചള്ളിയില് എം എല് എയും പത്രിക നല്കിയിട്ടുണ്ട്. അതുകൊണ്ട് കോണ്ഗ്രസ് സ്ഥാനാര്ഥികളില് ഒരാള് പിന്വാങ്ങിയേക്കും. ഇതിനിടയിലാണ് പാര്ട്ടിയുടെ അനുവാദമില്ലാതെ ടി. എച്ച്. മുസ്തഫ പത്രിക നല്കിയിരിക്കുന്നത്.
ഡിസംബര് ഏഴ് ചൊവാഴ്ചയാണ് യു ഡി എഫ് സ്ഥാനാര്ഥി പട്ടിക പ്രഖ്യാപിക്കുന്നത്. ഡിസംബര് എട്ടാണ് പത്രിക പിന്വലിക്കാനുള്ള അവസാനത്തെ തീയതി. പത്രിക പിന്വലിക്കാന് കോണ്ഗ്രസ് നേതൃത്വം മുസ്തഫയോട് ആവശ്യപ്പെട്ടേക്കും. നിര്ദേശം അനുസരിച്ചില്ലെങ്കില് പാര്ട്ടിയിലെ ചേരിപ്പോര് രൂക്ഷമാക്കാനാണ് അത് വഴിവെക്കുക.