ഡിവൈഎസ്പി ഓഫീസില്‍ വിജിലന്‍സ് റെയ്ഡ്

തിരുവനന്തപുരം: റൂറല്‍ എസ് പിയുട ഓഫീസില്‍ പ്രവര്‍ത്തിക്കുന്ന സ്പെഷല്‍ ബ്രാഞ്ച് ഡി വൈ എസ് പിയുടെ ഓഫീസില്‍ ഡിസംബര്‍ ആറ് തിങ്കളാഴ്ച വിജിലന്‍സ് ആന്റ് ആന്റി കറപ്ഷന്‍ ബ്യൂറോ റെയ്ഡ് നടത്തി.

പാസ്പോര്‍ട്ട് വെരിഫിക്കേഷന് പൊലീസ് പണം വാങ്ങുന്നെന്നും ചില അപേക്ഷകളില്‍ മനപ്പൂര്‍വം വെരിഫിക്കേഷന് കാലതാമസം വരുത്തിക്കുന്നെന്നുമുള്ള പരാതികളെ തുടര്‍ന്നാണ് റെയ്്ഡ് നടത്തിയത്.

പരിശോധ നടത്തേണ്ട ഏതാണ്ട് 4,500 അപേക്ഷകളും പരിശോധ നടത്തിയ 2,200 അപേക്ഷകളും റെയ്ഡില്‍ കണ്ടുെത്തു. പല അപേക്ഷകളും 2001 വരെ പഴക്കമുള്ളതാണെന്ന് വിജിലന്‍സ് അധികൃതര്‍ അറിയിച്ചു.

പാസ്പോര്‍ട്ട് അപേക്ഷകളിന്മേല്‍ വെരിഫിക്കേഷന്‍ നടത്തിക്കഴിഞ്ഞാല്‍ 15 ദിവസത്തിനകം ആര്‍ ടി ഓഫീസിലേക്ക് തിരിച്ചയയ്ക്കണമെന്നാണ് വ്യവസ്ഥയെന്ന് വിജിലന്‍സ് അധികൃതര്‍ ചൂണ്ടിക്കാട്ടി. പല അപേക്ഷകളിലും ഈ വ്യവസ്ഥ പാലിച്ചിരുന്നില്ല.

തിങ്കളാഴ്ച വൈകുന്നേരം നാല് മണി മുതല്‍ 7.30 വരെയാണ് റെയ്ഡ് നടന്നത്.