യൂത്ത് കോണ്‍. പുന:സംഘടന അനിശ്ചിതത്വത്തില്‍

തിരുവനന്തപുരം: ഐ ഗ്രൂപ്പും മൂന്നാം ഗ്രൂപ്പും തങ്ങളുടെ ആവശ്യങ്ങളില്‍ നിന്ന് പിന്നോട്ടുപോവാന്‍ തയ്യാറാവാത്തതിനെ തുടര്‍ന്ന് സംസ്ഥാന യൂത്ത് കോണ്‍ഗ്രസ് പുന:സംഘടന സംബന്ധിച്ച പ്രതിസന്ധി തുടരുന്നു.

ജില്ലാ പ്രസിഡന്റ് സ്ഥാനങ്ങളില്‍ ആറെണ്ണം തങ്ങള്‍ക്ക് വേണമെന്ന നിലപാടില്‍ ഉറച്ചുനില്‍ക്കുകയാണ് ഐ ഗ്രൂപ്പ്. മൂന്ന് സ്ഥാനങ്ങള്‍ വേണമെന്നാണ് മൂന്നാം ഗ്രൂപ്പിന്റെ നിലപാട്.

ഡിസംബര്‍ ഏഴ് ചൊവാഴ്ച കെ പി സി സി പ്രസിഡന്റ് കെ. മുരളീധരന്‍, യു ഡി എഫ് കണ്‍വീനര്‍ ഉമ്മന്‍ചാണ്ടി, എ ഐ സി സി സെക്രട്ടറി രമേശ് ചെന്നിത്തല എന്നിവര്‍ അനൗദ്യോഗിക ചര്‍ച്ച നടത്തിയെങ്കിലും ഒത്തുതീര്‍പ്പുണ്ടായില്ല.

ഹൈക്കമാന്റിനെ പ്രശ്നം അറിയിക്കാന്‍ ഡിസംബര്‍ ഒമ്പത് വ്യാഴാഴ്ച യൂത്ത് കോണ്‍ഗ്രസ് സംസ്ഥാന പ്രസിഡന്റ് കെ. പി. അനില്‍കുമാര്‍ ദില്ലിയിലേക്ക് പോവും. നാലാം ഗ്രൂപ്പിന്റെ ലിസ്റ് ഇതുവരെ ലഭിച്ചിട്ടില്ല. ദില്ലിയില്‍ വയലാര്‍ രവിയുമായി ചര്‍ച്ച ചെയ്ത ശേഷം നാലാം ഗ്രൂപ്പിന്റെ പട്ടിക വാങ്ങും.