കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇന്ത്യ രണ്ട് വിക്കറ്റിന് ജയിച്ചു

  • By Staff
Google Oneindia Malayalam News

വെല്ലിംഗ്ടണ്‍: ഒടുവില്‍ നാല് പരാജയങ്ങള്‍ക്ക് ശേഷം, ന്യൂസിലാന്റിനെതിരെ ഇന്ത്യ ആശ്വാസവിജയം നേടി. വെസ്റ്പാക് ട്രസ്റ് സ്റേഡിയത്തില്‍ നടന്ന ആവേശകരമായ മത്സരത്തില്‍ രണ്ട് വിക്കറ്റിന് ഇന്ത്യ കഷ്ടിച്ച് ജയം നേടുകയായിരുന്നു.

ഏഴ് മത്സരങ്ങളടങ്ങിയ ഏകദിനപരമ്പര, ആദ്യത്തെ നാല് മത്സരങ്ങള്‍ ജയിച്ച് ന്യൂസിലാന്റ് സ്വന്തമാക്കിയിരുന്നു. ആശ്വാസവിജയം നേടാന്‍ ജനവരി എട്ട് ബുധനാഴ്ച ഇറങ്ങിയ ഇന്ത്യയ്ക്ക് അത് നേടിക്കൊടുത്തത് യുവരാജ് സിംഗും സഹീര്‍ഖാനും ചേര്‍ന്നായിരുന്നു. കാല്‍ക്കുഴയിലെ പരിക്കുമൂലം കഴിഞ്ഞ നാല് ഏകദിനങ്ങളില്‍ നിന്നും വിട്ടുനിന്ന സച്ചിന്‍ കളിച്ചെങ്കിലും പൂജ്യനായി മടങ്ങി.

ടോസ് നേടി ആദ്യം ബാറ്റിംഗിനിറങ്ങിയ ന്യൂസിലാന്റിന്റെ ബാറ്റിംഗ് നിര തുടക്കത്തില്‍ തകരുന്നതാണ് കണ്ടത്. സഹീര്‍ഖാനായിരുന്നു ന്യൂസിലാന്റിനെ പിച്ചിചീന്തിയത്. മൂന്ന് റണ്‍സിന് മൂന്ന് വിക്കറ്റ് എന്ന നിലയില്‍ ന്യൂസിലാന്റ് ഗതികെട്ട നിലയിലായിരുന്നു തുടക്കത്തില്‍. ക്യാപ്റ്റന്‍ ഫ്ലെമിംഗും കെയ്ന്‍സും ചേര്‍ന്ന് ന്യൂസിലാന്റിനെ മെല്ലെ കരകയറ്റാന്‍ ശ്രമിച്ചു. പക്ഷെ 48 റണ്‍സിലെത്തിയപ്പോള്‍ നാലാം വിക്കറ്റ് നഷ്ടമായി. വെറും 51 റണ്‍സിന് ആറ് വിക്കറ്റ് നഷ്ടപ്പെട്ടനിലയില്‍ നിന്നും സ്റൈറിസാണ് ന്യൂസിലാന്റിന്റെ കുറച്ചുകൂടി ഭേദപ്പെട്ട നിലയിലെത്തിച്ചത്. 35 റണ്‍സെടുത്ത ആഡംസും ന്യൂസിലാന്റിനെ ആശ്വാസകരമായ സ്കോറില്‍ എത്തിച്ചു.

168 റണ്‍സിന് അവസാനിച്ച ന്യൂസിലാന്റ് ഇന്നിംഗ്സിനെതിരെ ബാറ്റ് ചെയ്യാനിറങ്ങിയ ഇന്ത്യയുടെ ആദ്യ മൂന്ന് വിക്കറ്റുകള്‍ 25 റണ്‍സ് കൂട്ടിച്ചേര്‍ക്കുമ്പോഴേക്കും വീണു. ദിനേഷ് മോംഗിയ, സൗരവ് ഗാംഗുലി, സച്ചിന്‍ എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. പക്ഷെ വീരേന്ദ്ര സെവാഗ് തളരാതെ ന്യൂസിലാന്റ് ബാറ്റ്സ്മാന്‍മാരെ ശരിക്കും ശിക്ഷിച്ചു. പക്ഷെ 45 റണ്‍സെടുത്ത വീരേന്ദ്ര സെവാഗ് വീണതോടെ ഇന്ത്യ വീണ്ടും പതറി. എന്നാല്‍ പിന്നീട് 54 റണ്‍സെടുത്ത യുവരാജ് സിംഗും എട്ടാം വിക്കറ്റില്‍ 44 റണ്‍സ് കൂട്ടിച്ചേര്‍ക്കാന്‍ സഹായിച്ച സഹീര്‍ ഖാനും ഇന്ത്യയെ വിജയത്തിലേക്ക് നയിക്കുകയായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X