വെള്ളപ്രശ്നം: മന്ത്രിതലയോഗം വിളിക്കണം

തിരുവനന്തപുരം: തമിഴ്നാടും കേരളവും തമ്മിലുള്ള വെള്ളം സംബന്ധിച്ച പ്രശ്നങ്ങളെ കുറിച്ച് ചര്‍ച്ച ചെയ്യുന്നതിന് മന്ത്രിതല യോഗം നടത്താന്‍ മുഖ്യമന്ത്രി എ. കെ. ആന്റണി നിര്‍ദേശം മുന്നോട്ടുവെച്ചു.

ഭവാനി പുഴയ്ക്ക് കുറുകെ അണ കെട്ടരുതെന്ന് ആവശ്യപ്പെടുന്ന തമിഴ്നാട് മുഖ്യമന്ത്രി ജയലളിതയുടെ കത്തിനുള്ള മറുപടിയിലാണ് ആന്റണി ഈ നിര്‍ദേശം മുന്നോട്ടുവെച്ചത്.

വെള്ളം സംബന്ധിച്ച പല പ്രശ്നങ്ങളിലും ഇരുസംസ്ഥാനങ്ങള്‍ക്കും സ്വീകാര്യമായ പരിഹാരം കണ്ടെത്തേണ്ടതുണ്ട്. ഇരുസംസ്ഥാനത്തെ ജനങ്ങളുടെയും ക്ഷേമം കണക്കിലെടുത്ത് എത്രയും പെട്ടെന്ന് മന്ത്രിതല യോഗം ചേര്‍ന്ന് പ്രശ്നങ്ങള്‍ പരിഹരിക്കുകയാണ് വേണ്ടത്-കത്തില്‍ നിര്‍ദേശിച്ചു.