വ്യാജരേഖ: ശോഭന ഒന്നാം പ്രതി
തിരുവനന്തപുരം: വ്യാജരേഖക്കേസില് ശോഭനാ ജോര്ജ് എം എല് എയെ ഒന്നാം പ്രതിയും പത്രപ്രവര്ത്തകനായിരുന്ന ചന്ദ്രമോഹനെ രണ്ടാം പ്രതിയുമാക്കി ക്രൈംബ്രാഞ്ച് ചീഫ് ജുഡീഷ്യല് മജിസ്ട്രേറ്റ് കോടതിയില് റിപ്പോര്ട്ട് നല്കി.
തനിനിറം ജയചന്ദ്രന് മൂന്നാം പ്രതിയും ശോഭനയുടെ പി എ അനില് പി. ശ്രീരംഗം നാലാം പ്രതിയും ചെങ്ങന്നൂര് എഞ്ചിനീയറിംഗ് കോളജിലെ വിദ്യാര്ഥിയായിരുന്ന പ്രവീണ് അഞ്ചാം പ്രതിയുമാണ്. സൂര്യാ ടി വി റിപ്പോര്ട്ടര് അനില് നമ്പ്യാരാണ് ആറാം പ്രതി. അനില് നേരത്തെ കേസിലെ ഒന്നാം പ്രതിയായിരുന്നു.
ചന്ദ്രമോഹന്റെ വീട്ടില് നിന്ന് കണ്ടെടുത്ത കമ്പ്യൂട്ടറിന്റെ സി പി യു, മുടവന്മുകളില് തനിനിറം പത്രത്തിന്റെ പ്രിന്റിംഗ് പ്രസില് സൂക്ഷിച്ചിരുന്ന കമ്പ്യൂട്ടറിന്റെ മോണിറ്റര്, പ്രിന്റര്, സ്കാനര് എന്നിവ കോടതിയില് ഹാജരാക്കി. കമ്പ്യൂട്ടറിന്റെ ഹാര്ഡ് ഡിസ്ക് നേരത്തെ കോടതിയില് ഹാജരാക്കിയിരുന്നു.
ജനവരി 23 വരെ കോടതി റിമാന്റ് ചെയ്ത ചന്ദ്രമോഹനെ മെഡിക്കല് കോളജ് ആശുപത്രിയിലേക്ക് മാറ്റി.