ജിമ്മിലൂടെ കാപട്യം: പിണറായി

തിരുവനന്തപുരം: ആഗോള നിക്ഷേപകസമ്മേളനത്തിലൂടെ (ജിം) കാപട്യമാണ് അരങ്ങേറുന്നതെന്ന് സിപിഎം സംസ്ഥാനസെക്രട്ടറി പിണറായി വിജയന്‍. ജനവരി 16 വ്യാഴാഴ്ച വാര്‍ത്താസമ്മേളനത്തില്‍ സംസാരിക്കുകയായിരുന്നു പിണറായി.

മുഖ്യമന്ത്രി തന്നെ ഈ കാപട്യത്തിന് കൂട്ടുനില്ക്കുകയാണ്. മന്ത്രിസഭയുടെ തീരുമാനമനുസരിച്ചാണ് കെഎസ്ഐഡിസിയെ ചുമതലകളെല്ലാമേല്പിച്ചത്. ഇപ്പോള്‍ അക്കാര്യം തനിക്കറിയില്ലെന്നാണ് മുഖ്യമന്ത്രി പറയുന്നത്. ഇത് ശുദ്ധകാപട്യമല്ലാതെ മറ്റെന്താണ്?- പിണറായി വിജയന്‍ ചോദിച്ചു.

യുഡിഎഫ് സര്‍ക്കാരിന്റെ എല്ലാ നീക്കങ്ങളിലും ഈ കാപട്യം കാണാം. മണല്‍ഖനനപദ്ധതി നടപ്പായാല്‍ ഒട്ടേറെ മത്സ്യത്തൊഴിലാളികള്‍ വഴിയാധാരമാവുമെന്നും പിണറായി കുറ്റപ്പെടുത്തി.

വിദേശമിഷനറിയെ ആക്രമിച്ച സംഭവത്തില്‍ ആര്‍എസ്എസിനെ മുഖ്യമന്ത്രി പ്രതികരിക്കാതിരിക്കുന്നത് വര്‍ഗ്ഗീയ വാദികളുടെ വോട്ടുവാങ്ങിയതിനാലാണെന്നും പിണറായി ആരോപിച്ചു.