മിഷണറിയെ ആക്രമിച്ചത് ആര്‍എസ്എസല്ലന്ന്െ

തിരുവനന്തപുരം: അമേരിക്കന്‍ മിഷണറി ജോസഫ് കൂപ്പറെ ആക്രമിച്ചതിന് പിന്നില്‍ ആര്‍ എസ് എസ് പ്രവര്‍ത്തകരാണെന്ന ആരോപണം ആര്‍ എസ് എസ് ജില്ലാ പ്രസിഡന്റ് കെ. രാജശേഖരന്‍ നിഷേധിച്ചു.

ഏത് സാഹചര്യത്തിലാണ് സന്ദര്‍ശന വിസയില്‍ ഇന്ത്യയിലെത്തിയ ഒരു അമേരിക്കക്കാരനെ സുവിശേഷ ചടങ്ങില്‍ സംസാരിക്കാന്‍ അനുവദിച്ചതെന്നതിനെ കുറിച്ച് അന്വഷണം നടത്തണമെന്ന് രാജശേഖരന്‍ ആവശ്യപ്പെട്ടു.

ആര്‍ എസ് എസ് പ്രവര്‍ത്തകരെ കുറ്റക്കാരാക്കാന്‍ ആസൂത്രിതമായ ശ്രമം നടന്നിട്ടുണ്ട്. വെറും സംശയത്തിന്റെ അടിസ്ഥാനത്തില്‍ നിരപരാധികളായ ആര്‍ എസ് എസ് പ്രവര്‍ത്തകരെ കസ്റഡിയിലെടുത്ത് ചോദ്യം ചെയ്യുകയാണ്. യഥാര്‍ഥ കുറ്റവാളികളെ തിരിച്ചറിയുന്നതിന് മുമ്പ് ആക്രമണത്തിന്റെ പേരില്‍ ആര്‍ എസ് എസിനെ പഴിചാരുന്നത് അപലപനീയമാണ്.

ജില്ലയിലെ ഒരു ബൈബിള്‍ കോളജില്‍ ഒരു പെണ്‍കുട്ടി ലൈംഗികമായി പീഡിപ്പിക്കപ്പെട്ട സംഭവത്തില്‍ അമേരിക്കന്‍ മിഷണറിയോടൊപ്പമുണ്ടായിരുന്ന പാസ്റര്‍ ബെന്‍സനും ഭാര്യ സാലിയും പ്രധാന പ്രതികളാണെന്ന് രാജശേഖരന്‍ ആരോപിച്ചു.

അമേരിക്കന്‍ മിഷണറിക്കെതിരായ ആക്രമണത്തിനിടെ പാസ്റര്‍ ബെന്‍സണിനും ഭാര്യക്കും പരിക്കേറ്റിരുന്നു.