മിഷണറി സംഭവം: 5 പേര്‍ കൂടി അറസ്റില്‍

തിരുവനന്തപുരം: അമേരിക്കന്‍ മിഷണറിയെ വെട്ടിപ്പരിക്കേല്പിച്ച കേസില്‍ അഞ്ച് പേരെക്കൂടി അറസ്റ് ചെയ്തു. ഇവര്‍ ആര്‍ എസ് എസ് പ്രവര്‍ത്തകരാണെന്ന് പറയപ്പെടുന്നു. ജനവരി 17 വെള്ളിയാഴ്ചയാണ് ഇവരെ കസ്റഡിയിലെടുത്തത്.

ബൈജു, ദീപു, ഷൈല്‍, ബിനു കുമാര്‍, മനേഷ് എന്നിവരാണ് വെള്ളിയാഴ്ച അറസ്റിലായത്. ഇവരെ ആറ്റിങ്ങല്‍ ഒന്നാം ക്ലാസ് ജുഡീഷ്യല്‍ മജിസ്ട്രേറ്റ് റിമാന്റ് ചെയ്തു.

ഇതോടെ ആകെ അറസ്റിലായവരുടെ എണ്ണം ഒമ്പതായി. പൊലീസ് മിഷണറി ജോസഫ് കൂപ്പറില്‍ നിന്നും മൊഴിയെടുത്തു. ജോസഫ് കൂപ്പറെ ഐസിയുവില്‍ നിന്നും ആശുപത്രിയിലെ സാധാരണ മുറിയിലേക്ക് മാറ്റി.

അടയമണ്‍ വടക്കേക്കോണം ഷാജി ഭവനില്‍ പി. ഷാജി (31), കടയ്ക്കല്‍ കുമ്മിള്‍ പുല്ലുവിള ഇരട്ടക്കുളം ഷൈനു ഭവനില്‍ എസ്. ഷൈജു (21), ഷൈജുവിന്റെ സഹോദരന്‍ ഷാന്‍ (19) എന്നിരാണ് നേരത്തെ അറസ്റിലായവര്‍.

ഷാജി രണ്ടാം പ്രതിയാണ്. മൂന്നാം പ്രതി രാജുവിനെയാണ് നേരത്തെ അറസ്റ് ചെയ്തിരുന്നത്. കേസുമായി ബന്ധപ്പെട്ട് ചിലരെ കസ്റഡിയിലെടുത്ത് ചോദ്യം ചെയ്യുന്നുണ്ട്.