എംജി സെനറ്റ് വോട്ടെണ്ണല്‍ അലങ്കോലപ്പെടുത്തി

കോട്ടയം: എം ജി സര്‍വകലാശാലാ സെനറ്റിലേക്ക് നടന്ന തിരഞ്ഞടുപ്പിന്റെ വോട്ടെണ്ണല്‍ എസ് എഫ് ഐക്കാരുടെ അതിക്രമത്തെ തുടര്‍ന്ന് തടസപ്പെട്ടു.

സംഭവവുമായി ബന്ധപ്പെട്ട് എസ് എഫ് ഐ നേതാക്കളെ പൊലീസ് അറസ്റ് ചെയ്തു. എസ് എഫ് ഐ സംസ്ഥാന പ്രസിഡന്റ് പി. കെ. ബിജു, വൈസ് പ്രസിഡന്റ് എസ്. കെ. റൂബിന്‍, ജില്ലാ സെക്രട്ടറി കെ. രൂപേഷ് കുമാര്‍, പ്രസിഡന്റ് പി. അനില്‍കുമാര്‍, സര്‍വകലാശാലാ യൂണിയന്‍ ചെയര്‍മാന്‍ പി. എം. ഫ്രെറ്റി എന്നിവരാണ് അറസ്റിലായത്.

ഗവേഷണ വിഭാഗത്തിലെ എസ് എഫ് ഐ സ്ഥാനാര്‍ഥിയെയാണ് വോട്ടെണ്ണല്‍ ചട്ടപ്രകാരം വിജയിയായി പ്രഖ്യാപിക്കേണ്ടതെന്ന് ഉന്നയിച്ചാണ് എസ് എഫ് ഐ നേതാക്കള്‍ പ്രശ്നമുണ്ടാക്കിയത്. വോട്ടെണ്ണുന്ന ഹാളിലേക്ക് അതിക്രമിച്ചു കയറിയ എസ് എഫ് ഐ നേതാക്കള്‍ ബാലറ്റ് പെട്ടി വെച്ചിരുന്ന മേശ തട്ടിമറിച്ചു.

ജനറല്‍ സീറ്റിലേക്ക് മത്സരിച്ച അഞ്ച് കെ എസ് എയുക്കാരും അഞ്ച് എസ് എഫ് ഐക്കാരും വിജയമുറപ്പിച്ച അവസരത്തിലാണ് അതിക്രമമുണ്ടായത്.