മൊബൈലില് ഇന്കമിംഗ് ഫ്രീ
ദില്ലി: സ്വകാര്യ മൊബൈല് കമ്പനികള് ഇന്കമിംഗ് കാളുകള് സൗജന്യമാക്കാന് തീരുമാനിച്ചു. ഒരു മൊബൈല് ഫോണില് നിന്നും മറ്റൊരു മൊബൈല് ഫോണിലേക്ക് വരുന്ന കാള് സ്വീകരിക്കുന്നയാള്ക്ക് ഇനി മുതല് പണം നല്കേണ്ട.
പക്ഷെ ഒരു അടിസ്ഥാന ഫോണില് നിന്നും (ലാന്റ് ലൈന്) മൊബൈലിലേക്ക് വരുന്ന കാളിന് പണം നല്കണം. ഏതു മൊബൈല് ഫോണില് നിന്നും മറ്റൊരു മൊബൈലിലേക്ക് വരുന്ന കാളുകള് സ്വീകരിക്കുന്നയാള്ക്ക് സൗജന്യമായിരിക്കും. ഉദാഹരണത്തിന് ബിപിഎല് മൊബൈല് നിന്ന് എസ്കോടെല് മൊബൈലിലേക്ക് വിളിക്കുന്നുവെന്ന് കരുതുക. കാള് സ്വീകരിക്കുന്ന എസ്കോട്ടെല് വരിക്കാരന് പണം നല്കേണ്ടതില്ല.
സ്വകാര്യ മൊബൈല് ഉടമകള് യോഗം ചേര്ന്ന ശേഷം എടുത്ത തീരുമാനമാണിത്. ഹച്ച്, എയര്ടെല്, ബിപിഎല്, എസ്കോട്ടെല്, ഐഡിയ തുടങ്ങിയ സ്വകാര്യമൊബൈല് കമ്പനികളുടെ പ്രതിനിധികള് യോഗത്തില് പങ്കെടുത്തു.
ഒട്ടേറെ സൗജന്യങ്ങളുമായി ടാറ്റയും റിലയന്സും അടിസ്ഥാന ഫോണ് സര്വീസ് ആരംഭിക്കുന്ന പശ്ചാത്തലത്തില് ഓരോ ആഴ്ചയിലും കൂടുതല് കൂടുതല് സൗജന്യങ്ങള് പ്രഖ്യാപിക്കുമെന്ന് സ്വകാര്യ മൊബൈല് കമ്പനികള് പ്രഖ്യാപിച്ചിരുന്നു.