വ്യവസായങ്ങള്ക്ക് നല്കാന് വെള്ളമില്ല
പാലക്കാട്: പാലക്കാട് വ്യാവസായിക ജലവിതരണ പദ്ധതിയ്ക്ക് വെള്ളം നല്കാന് മലമ്പുഴ റിസര്വോയറില് വെള്ളമില്ലെന്ന് ജലവിഭവമന്ത്രി ടി. എം. ജേക്കബ് പറഞ്ഞു.
യു ഡി എഫ് പാലക്കാട് ജില്ലാ കമ്മിറ്റി സംഘടിപ്പിച്ച കണ്വെന്ഷനില് സംസാരിക്കുകയായിരുന്നു ടി. എം. ജേക്കബ്.
കുടിക്കാനും ജലസേചനത്തിനും ആവശ്യമായ വെള്ളം തന്നെ മലമ്പുഴ റിസര്വോയറില് ഇപ്പോഴില്ല. കുടിവെള്ളം ജനങ്ങള്ക്കെത്തിക്കുന്നതിനാണ് സര്ക്കാര് മുന്ഗണന നല്കുന്നത്. രണ്ടാമത് ജലസേചനത്തിനും. ഈ രണ്ട് ആവശ്യങ്ങള് കഴിഞ്ഞിട്ടേ വെള്ളം വ്യാവസായിക ആവശ്യത്തിന് നല്കുന്നത് പരിഗണിക്കാനാവൂ.
മലമ്പുഴ വെള്ളം നെല് കൃഷിക്കായി ഒരാഴ്ചകൂടി തുറന്നുവിടണമെന്ന് കര്ഷകര് ആവശ്യപ്പെടുന്നുണ്ടെങ്കിലും ആവശ്യത്തിന് വെള്ളമില്ലാത്തതുകൊണ്ട് ബുധനാഴ്ച മുതല് വെള്ളം തുറന്നുവിടുന്നത് നിര്ത്തിവേക്കേണ്ടിവന്നു.
അന്തര്സംസ്ഥാന വെള്ളപ്രശ്നങ്ങളും വെള്ളം സംബന്ധിച്ച മറ്റ് പ്രശ്നങ്ങളും ചര്ച്ച ചെയ്യാന് ഒരു സര്വകക്ഷിയോഗം വിളിച്ചുചേര്ക്കുമെന്ന് പിന്നീട് വാര്ത്താ സമ്മേളനത്തില് ജേക്കബ് പറഞ്ഞു.