സ്വാശ്രയ കോളെജ് : സിപിഎം എതിര്ക്കും
തിരുവനന്തപുരം: സ്വാശ്രയ പ്രൊഫണല് കോളെജുകളില് 75 ശതമാനം മാനേജ്മെന്റ് ക്വാട്ടയ്ക്ക് നീക്കിവെക്കണമെന്ന ഹൈക്കോടതി വിധി നടപ്പാക്കിയാല് സിപിഎം എതിര്ക്കുമെന്ന് സിപിഎം സംസ്ഥാനസെക്രട്ടറി പിണറായി വിജയന്.
ജനവരി 22 ബുധനാഴ്ച കോട്ടയത്ത് മീറ്റ് ദ പ്രസില് സംസാരിക്കുകയായിരുന്നു അദ്ദേഹം. പ്രൊഫഷണല് വിദ്യാഭ്യാസത്തെ ആകെ കച്ചവടമാക്കി മാറ്റാനുള്ള ഈ തീരുമാനത്തെ സിപിഎം എന്തുവിലകൊടുത്തും എതിര്ക്കുമെന്നും അദ്ദേഹം പറഞ്ഞു.
ആഗോള നിക്ഷേപസമ്മേളനത്തിന് പ്രതിപക്ഷം പൂര്ണ്ണ പിന്തുണ നല്കിയെന്ന മുഖ്യമന്ത്രിയുടെ പ്രസ്താവന ശരിയല്ല. ആഗോള നിക്ഷേപക സമ്മേളനം ആഗോളവല്ക്കരണത്തിന്റെ ഭാഗമാണെന്ന് സിപിഎം കരുതുന്നില്ല. എന്തായാലും കേരളത്തില് വ്യവസായം വരുന്നതിനെ സിപിഎം എതിര്ക്കില്ല.- അദ്ദേഹം പറഞ്ഞു.
പക്ഷെ പരമ്പരാഗത വ്യവസായങ്ങള് എല്ലാം തകര്ന്നിരിക്കുകയാണ്. അതിനെക്കുറിച്ച് ഒരക്ഷരം ആഗോളനിക്ഷേപകസമ്മേളനം മിണ്ടിയില്ല. - പിണറായി പറഞ്ഞു.