ആര്‍എസ്എസിനെ നിരോധിക്കണം

ദില്ലി: മതമൗലികവാദ സംഘടനയായ ആര്‍ എസ് എസിനെ നിരോധിക്കണമെന്ന് അഖിലേന്ത്യാ ക്രിസ്ത്യന്‍ കൗണ്‍സില്‍ അന്താരാഷ്ട്ര സമൂഹത്തോട് ആവശ്യപ്പെട്ടു.

കേരളത്തില്‍ സന്ദര്‍ശനം നടത്തിയ അമേരിക്കന്‍ മിഷണറി ജോസഫ് കൂപ്പറെ ആക്രമിച്ച സംഭവത്തെ കുറിച്ച് അന്താരാഷ്ട്ര സമൂഹം അന്വേഷിക്കണം. ലോകസമാധാനവും ഇന്ത്യയുടെ ഐക്യവും കണക്കിലെടുത്ത് ആര്‍ എസ് എസിന് നിരോധനമേര്‍പ്പെടുത്തം- കൗണ്‍സില്‍ സെക്രട്ടറി ജനറല്‍ ജോണ്‍ ദയാല്‍ പറഞ്ഞു.

ദളിതുകളെയും ആദിവാസികളെയും ഭീഷണിപ്പെടുത്താനും ധ്രുവീകരിക്കാനുമുള്ള ഗൂഢാലോചനയുടെ ഭാഗമായാണ് ആക്രമണം നടന്നത്. കേരളത്തില്‍ ആര്‍ എസ് എസ് ഒട്ടേറെ അക്രമങ്ങള്‍ നടത്തിയിട്ടുണ്ട്. അക്രമം നടത്തിയ ആര്‍ എസ് എസ് പ്രവര്‍ത്തകര്‍ക്കെതിരെ വധശ്രമത്തിന്റെ പേരില്‍ കേസെടുക്കുകയും ഗൂഢാലോചന വെളിച്ചത്തുക്കൊണ്ടുവരികയും ചെയ്യുന്നതിന് പകരം വിസാ നിയമത്തിന്റെ പേര് പറഞ്ഞ് പാസ്ററെ നാടുകടത്തുകയാണ് സംസ്ഥാന സര്‍ക്കാര്‍ ചെയ്തത്.

സംസ്ഥാന സര്‍ക്കാരിന്റെ ഈ നടപടിയെ അനുകൂലിക്കുകയാണ് കേന്ദ്ര ആഭ്യന്തരസഹമന്ത്രി വിദ്യാസാഗര്‍റാവുവും ദേശീയ ന്യൂനപക്ഷ കമ്മിഷനും ചെയ്തതെന്ന് ദയാല്‍ കുറ്റപ്പെടുത്തി.