സാമ്പത്തിക മേഖല: നയം പ്രഖ്യാപിക്കും
തിരുവനന്തപുരം: അടിസ്ഥാന സൗകര്യ വികസനത്തിന് കൂടുതല് നിക്ഷേപം ആകര്ഷിക്കുന്നതിനായി സര്ക്കാര് പ്രത്യേക സാമ്പത്തിക മേഖല സംബന്ധിച്ച നയം അടുത്തുതന്നെ പ്രഖ്യാപിക്കുമെന്ന് ഗവര്ണറുടെ നയപ്രഖ്യാപന പ്രസംഗത്തില് അറിയിച്ചു.
തലസ്ഥാനത്ത് ഒരു അപ്പാരല് പാര്ക്ക് സ്ഥാപിക്കുന്നതിന് കേന്ദ്രം തത്വത്തില് അനുമതി നല്കിയിട്ടുണ്ട്. അടിസ്ഥാനസൗകര്യ വികസന പദ്ധതിക്ക് കീഴില് 40 കോടിയുടെ തുണിതയ്യല്കേന്ദ്രം സ്ഥാപിക്കുന്നതിനും പദ്ധതിയുണ്ട്.
സര്ക്കാര് പൊതുമേഖലാസ്ഥാപനങ്ങള് ഘട്ടം ഘട്ടമായി വികസിപ്പിക്കും. തിരുവനന്തപുരത്തിന്റെ വികസനത്തിനായി ഒരു ആസൂത്രണരേഖ തയ്യാറാക്കിവരികയാണ്. തിരുവനന്തപുരത്ത് ഹഡ്കോയുടെയും കേന്ദ്രത്തിന്റെയും സഹായത്തോടെ അന്തര്ദേശീയ നിലവാരമുള്ള ഒരു ഹാബിറ്റാറ്റ് സെന്റര് തുടങ്ങും.
കോഴിക്കോടും ഒരു ഹാബിറ്റാറ്റ് സെന്റര് തുടങ്ങാന് പദ്ധതിയുണ്ട്. ഗോശ്രീ പദ്ധതി അടുത്ത വര്ഷത്തോടെ പൂര്ത്തിയാവും. തദ്ദേശ സ്വയംഭരണ സ്ഥാപനങ്ങളില് കേരള മിഷന് നടത്തുന്ന കമ്പ്യൂട്ടര്വത്കരണം അടുത്ത വര്ഷത്തോടെ പൂര്ത്തിയാവും.
മത്സ്യത്തൊഴിലാളികള്ക്കായി അടിസ്ഥാന സൗകര്യങ്ങള് ഏര്പ്പെടുത്തുന്നതിനായി 503 കോടിയുടെ ഒരു പദ്ധതി കേന്ദ്രത്തിന് മുന്നില് സമര്പ്പിച്ചിട്ടുണ്ട്.