കേരളത്തെ മികച്ച നിക്ഷേപ കേന്ദ്രമാക്കും
ആരോഗ്യകരമായ നയങ്ങളിലൂടെ കേരളത്തെ മികച്ച നിക്ഷേപ കേന്ദ്രമാക്കി മാറ്റുമെന്ന് ഗവര്ണര് നയപ്രഖ്യാപന പ്രസംഗത്തില് പറഞ്ഞു.
തിരുവനന്തപുരം: ആരോഗ്യകരമായ നയങ്ങളിലൂടെ കേരളത്തെ മികച്ച നിക്ഷേപ കേന്ദ്രമാക്കി മാറ്റുമെന്ന് ഗവര്ണര് സിക്കന്തര് ഭക്ത് നിയമസഭയില് നടത്തിയ നയപ്രഖ്യാപന പ്രസംഗത്തില് പറഞ്ഞു.
വിവരസാങ്കേതികവിദ്യ, വിനോദസഞ്ചാരം, വിദ്യാഭ്യാസം എന്നീ മേഖലകളില് വികസനോന്മുഖമായ പരിഷ്കാരങ്ങള് നടപ്പിലാക്കാന് സര്ക്കാര് പ്രതിജ്ഞാബദ്ധമാണ്. ജനവരി 25 വെള്ളിയാഴ്ച നിയമസഭയുടെ ബജറ്റ് സമ്മേളനത്തിന് തുടക്കം കുറിച്ചുകൊണ്ട് ഗവര്ണര് നടത്തിയ നയപ്രഖ്യാപന പ്രസംഗത്തില് വ്യക്തമാക്കി.
90 മിനുട്ട് നീണ്ട നയപ്രഖ്യാപന പ്രസംഗത്തില് ആഗോള നിക്ഷേപക സമ്മേളനത്തിന്റെ ഗുണഫലങ്ങള് ഗവര്ണര് വിശദീകരിച്ചു. ഈ വര്ഷം നടപ്പിലാക്കുന്ന വിവിധ പദ്ധതികളുടെ വിശദാംശങ്ങള് അദ്ദേഹം അവതരിപ്പിച്ചു.
ഈ സാമ്പത്തിക വര്ഷം സംസ്ഥാനത്തിന്റെ സാമ്പത്തികസ്ഥിതി മെച്ചപ്പെടും. തദ്ദേശ സ്വയം ഭരണസ്ഥാപനങ്ങളിലെ കമ്പ്യൂട്ടര്വത്ക്കരണം ഈ സാമ്പത്തിക വര്ഷം പൂര്ത്തീകരിയ്ക്കും. നാല് വര്ഷം കൊണ്ട് മലയാളം പൂര്ണമായും ഔദ്യോഗിക ഭാഷയാക്കും.
സംസ്ഥാനത്തെ ക്രമസമാധാന നില മെച്ചപ്പെട്ടിട്ടുണ്ട്. മതസംഘര്ഷങ്ങള് റിപ്പോര്ട്ട് ചെയ്യപ്പെട്ടിട്ടില്ല.
തിരുവനന്തപുരത്ത് പുരാവസ്തു മ്യൂസിയവും കണ്ണൂരില് സ്പോര്ട്സ് കോംപ്ലക്സും തുടങ്ങും. കേന്ദ്രസഹായത്തോടെയാണ് സ്പോര്ട്സ് കോംപ്ലക്സ നിര്മിക്കുക. യുവാക്കള്ക്കായി കര്മ പദ്ധതി തയ്യാറാക്കും.