റബര് കാര്ഷീക ഉല്പന്നമാക്കണം
തിരുവനന്തപുരം: റബറിനെ കാര്ഷീക ഉല്പന്നമായി കണക്കാക്കണമെന്ന് കേരളം ആവശ്യപ്പെട്ടു.
ലോക വ്യാപാര കരാര് അനുസരിച്ച് രബര് കാര്ഷീക ഉല്പന്നമല്ല. പകരം വ്യാവസായിക ഉല്പന്നമാണ്. ഇത് റബറിന് കിട്ടേണ്ട പല ആനുകൂല്യങ്ങളും ഇല്ലാതാക്കുന്നു. ഇതിനാലാണ് കേരളം ഈ ആവശ്യം ഉന്നയിച്ചത്.
ബാംഗ്ലൂരില് നടന്ന വ്യവസായ മന്ത്രിമാരുടെ യോഗത്തില് വ്യവസായ വകുപ്പ് മന്ത്രി പി. കെ. കുഞ്ഞാലിക്കുട്ടിയാണ് ഈ ആവശ്യം കേന്ദ്ര മന്ത്രി അരുണ് ഷൂരിയുടെ മുന്നില് ഉന്നയിച്ചത്.
റബറിനെ കാര്ഷീക ഉല്പന്നമായി മാറ്റിയാല് അത് ഇന്ത്യയിലേയ്ക്ക് ഇറക്കുമതി ചെയ്യാന് ഉയര്ന്ന തീരുവ കൊടുക്കേണ്ടി വരും. ഇത് ഇറക്കുമതി കുറയ്ക്കാന് കാരണമാവും. ഇറക്കുമതി കുറഞ്ഞാല് കേരളത്തിലെ റബര് കര്ഷകരുടെ പ്രശ്നങ്ങള് ഒരളവുവരെ പരിഹരിയ്ക്കപ്പെടുമെന്നാണ് കണക്കുകൂട്ടല്.
മറ്റ് കാര്ഷീക ഉല്പന്നങ്ങളായ വെളിച്ചെണ്ണ, പാം ഓയില്, കയര്, തേയില എന്നിവയുടെ തീരുവ കുറച്ചതിലും കുഞ്ഞാലിക്കുട്ടി പ്രതിഷേധിച്ചു. ഈ തീരൂവയും കുട്ടണമെന്ന് ആവശ്യപ്പെട്ടിട്ടുണ്ട്.