കടല് മണല് ഖനനം: പഠനം നടത്തും
തിരുവനന്തപുരം: കടല് മണല് ഖനനം നടത്തുന്നതിന്റെ പാരിസ്ഥിതിക വശങ്ങളെക്കുറിച്ച് ജിയോളജിയ്ക്കല് സര്വേ ഓഫ് ഇന്ത്യയും ദേശീയ സമുദ്രശാസ്ത്ര ഗവേഷണ സ്ഥാപനവും പഠനം നടത്തും.
കേരള വ്യവസായ വികസന കോര്പ്പറേഷനാണ് ഇത് അറിയിച്ചത്. പഠനത്തിലൂടെ വിശദ വിവരങ്ങള് കണ്ടെത്തിയതിന് ശേഷം മാത്രമേ ഖനനത്തെക്കുറിച്ച് തീരുമാനിയ്ക്കുകയുളളൂ എന്ന് വ്യവസായ വികസന കോര്പ്പറേഷന് മാനേജിംഗ് ഡയറക്ടര് ജിജി തോംസന് പറഞ്ഞു. വിവിധ കേന്ദ്രങ്ങളില് നിന്നുണ്ടായിട്ടുള്ള വിമര്ശനങ്ങള് കാരണമാണ് ഇത്തരത്തിലുള്ള ഒരു പഠനം നടത്താന് കോര്പ്പറേഷന് തീരുമാനിച്ചത്.
എന്നാല് പഠനത്തിന് വേണ്ടുന്ന ഭീമമായ തുക കോര്പ്പറേഷന് വഹിയ്ക്കാനാവില്ല. അതുകൊണ്ട് ഈതുക ഖനനത്തിന് താല്പര്യം പ്രകടിപ്പിച്ച കമ്പനികള് വഹിയ്ക്കണമെന്ന് ആവശ്യപ്പെട്ടിട്ടുണ്ട്. കടല് ഖനന പദ്ധതിയ്ക്ക് കേന്ദ്ര - സംസ്ഥാന സര്ക്കാരുകളുടെ അനുമതി കിട്ടേണ്ടതുണ്ട്. ഈ അനുമതിയും പഠന റിപ്പോര്ട്ട് തയ്യാറാക്കി അത് പഠിച്ചതിന് ശേഷമേ ഉണ്ടാവുകയുള്ളു.