ഹിമാമുദീന്‍ ജയില്‍മോചിതനായി

കൊച്ചി: ഹൈപവര്‍ ഗ്രൂപ്പ് ചെയര്‍മാന്‍ ഹിമാമുദ്ദീന്‍ ജയില്‍മോചിതനായി. കോടിക്കണക്കിന് രൂപയുടെ അവിഹിതഇടപാട് കേസുമായി ബന്ധപ്പെട്ട് 2002 ജൂണിലാണ് ഹിമാമുദ്ദീനെ അബുദാബി പൊലീസ് അറസ്റ് ചെയ്തത്.

തുടര്‍ന്ന് അദ്ദേഹം ജയിലില്‍ കഴിയുകയായിരുന്നു. ജനവരി 27 തിങ്കളാഴ്ചയാണ് ഹിമാമുദ്ദീന്‍ ജയില്‍മോചിതനായത്. കേസില്‍ നിരപരാധിത്വം തെളിഞ്ഞതിനെ തുടര്‍ന്നാണ് ജയില്‍മോചനം എന്നറിയുന്നു.

അല്‍ ഹമീദ് ഗ്രൂപ്പ് കമ്പനിയിലെ ജനറല്‍ മാനേജരായിരുന്നു ഹിമാമുദ്ദീന്‍. കള്ള ബില്ലുകള്‍ നല്‍കി അബുദാബി മുനിസിപ്പാലിറ്റിയില്‍ നിന്ന് കോടിക്കണക്കിന് രൂപ തട്ടിയെടുത്തതായാണ് കേസ്. ഇല്ലാത്ത ഇടപാടുകള്‍ കാണിച്ച് 70 കോടി ദര്‍ഹം (1000 കോടിയോളം രുപ) തട്ടിയതായാണ് പൊലീസ് കേസ്.

ഹൈ പവര്‍ ഗ്രൂപ്പിന്റെ ചെയര്‍മാന്‍ കൂടിയാണ് ഇദ്ദേഹം. കൈരളി ടെലിവിഷന്‍ ചാനലിലും മലബാര്‍ ഇന്‍സ്റിറ്റ്യൂട്ട് ഓഫ് മെഡിയ്ക്കല്‍ സയന്‍സസിലും ഇദ്ദേഹത്തിന് നിക്ഷേപമുണ്ട്.

ഷേഖ് മുഹമ്മദ് ബിന്‍ ബൂട്ടി യുടെ ഉടമസ്ഥതയിലുള്ളതാണ് അല്‍ ഹമീദ് ഗ്രൂപ്പ്. ഇദ്ദേഹം തന്നെയാണ് മുനിസിപ്പാലിറ്റിയുടെ ചെയര്‍മാന്‍. ട്രക്കുകളും ബിഎംഡബ്ലിയു കാറുകളും മുനിസിപ്പാലിറ്റിയ്ക്ക് വിതരണം ചെയ്തതായി കള്ളബില്ലുകളുണ്ടാക്കിയാണ് കോടികള്‍ തട്ടിയതെന്നാണ് ആരോപണം. കഴിഞ്ഞ കുറെ വര്‍ഷങ്ങളായി ഈ തട്ടിപ്പ് നടക്കുകയായിരുന്നെന്നാണ് പൊലീസ് പറയുന്നത്. ഷേയ്ക്കിന്റെ കുടുംബ വഴക്കാണത്രെ ഇപ്പോള്‍ ഇത് വെളിയിലാവാന്‍ കാരണം.