വീരപ്പന്‍ കേരളത്തില്‍ കയറാതിരിയ്ക്കാന്‍ കനത്ത കാവല്‍

തിരുവനന്തപുരം: കേരളത്തിലെ കാടുകളിലേയ്ക്ക് വീരപ്പന്‍ സംഘത്തിലെ ആളുകള്‍ കയറാതിരിയ്ക്കാന്‍ കനത്ത കരുതല്‍ ഏര്‍പ്പെടുത്തിയിട്ടുണ്ടെന്ന് മുഖ്യമന്ത്രി എ. കെ. ആന്റണി പറഞ്ഞു.

നിയമസഭയില്‍ ചോദ്യോത്തര വേളയില്‍ മറുപടി പറയുകയായിരുന്നു അദ്ദേഹം. ഇതിനായി അയല്‍ സംസ്ഥാനങ്ങളുമായി യോജിച്ച് പ്രവര്‍ത്തിയ്ക്കുന്നുണ്ട്. പൊലീസും വനം വകുപ്പും ഇതിനായി പ്രവര്‍ത്തിയ്ക്കുന്നുണ്ട്. അതിര്‍ത്തിയില്‍ പൊലീസ് അതീവ ശ്രദ്ധയിലാണ്. സുരക്ഷാ ക്രമങ്ങള്‍ കൂടുതല്‍ ശക്തമാക്കാനായി ഡി ജി പി തലത്തില്‍ ഒരു യോഗം വിളിച്ചിട്ടുണ്ട്.

അക്രമികളെ കര്‍ശനമായി നേരിടുകതന്നെയാണ് സര്‍ക്കാരിന്റെ നയം. പക്ഷേ മറ്റ് പല സംസ്ഥാനങ്ങലിലും ഉള്ളതുപോലെ ഗുണ്ടാ നിയമം കൊണ്ട്വരാന്‍ സര്‍ക്കാര്‍ ഉദ്ദേശിയ്കുന്നില്ല.

മട്ടാഞ്ചേരി, കോഴിക്കോട്, തിരുവനന്തപുരം ലൈംഗിക കേസുകളുമായി ബന്ധപ്പെട്ട് ഇതുവരെ 36 പേരെ അറസ്റ് ചെയ്തിട്ടുണ്ട്.

കേരളത്തില്‍ സ്ത്രീകള്‍ക്ക് നേരെയുള്ള അക്രമങ്ങള്‍ കൂടിവരുകയാണെന്ന വാദത്തോട് താന്‍ യോജിയ്ക്കുന്നില്ലെന്നും മുഖ്യമന്ത്രി വ്യക്തമാക്കി.