സദ്ദാമിനെ നിരായുധീകരിക്കും: ബുഷ്
വാഷിംഗ്ടണ്: സ്വയം നിരായുധീകരിക്കാന് സദ്ദാം ഹുസൈന് തയ്യാറായില്ലെങ്കില് സദ്ദാമിനെ തങ്ങള് നിരായുധീകരിക്കുമെന്ന് യുഎസ് പ്രസിഡന്റ് ജോര്ജ്ജ് ബുഷ്. ജനവരി 29 ബുധനാഴ്ച വാര്ഷിക സമ്മേളനത്തില് സംസാരിക്കുകയായിരുന്നു ബുഷ്.
സദ്ദാമിനെതിരെ ഇനിയും കാത്തിരിക്കാന് വയ്യെന്ന സന്ദേശമായിരുന്നു ബുഷിന്റെ പ്രസംഗത്തിലുടനീളം. യുഎന് സുരക്ഷാ കൗണ്സിലിന്റെ മുമ്പാകെ ഫിബ്രവരി അഞ്ചിന് യുഎസ് ഇറാഖിനെതിരെ കൂടുതല് തെളിവുകള് നിരത്തും. നിരായുധീകരിക്കാന് ഇറാഖ് സന്നദ്ധമല്ലെന്ന് കാണിക്കുന്നതായിരിക്കും ഈ തെളിവുകള്. - ബുഷ് പറഞ്ഞു.
ഇറാഖിന്റെ സ്വേച്ഛാധിപതി സ്വയം നിരായുധീകരിക്കാന് തയ്യാറല്ല. പകരം അദ്ദേഹം എല്ലാവരെയും വഞ്ചിക്കുകയാണ്. മൂന്നു മാസം മുമ്പ് സദ്ദാമിന് യുഎന് അവസരം നല്കിയിരുന്നു. അന്ന് യുഎന്നിനെയും ലോകത്തെയും സദ്ദാം പുച്ഛിച്ചു. ഞങ്ങളുടെ സുരക്ഷയ്ക്കും ലോകസമാധാനത്തിനും വേണ്ടി സദ്ദാം ഹുസൈനെ നിരായുധീകരിക്കാന് കഴിഞ്ഞില്ലെങ്കില് ഒരു മുന്നണിയുണ്ടാക്കി ഞങ്ങള് സദ്ദാമിനെ നിരായുധീകരിക്കും. - ബുഷ് ആവര്ത്തിച്ചു.