• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വാജ്പേയിയുടെ സുരക്ഷ ലംഘിക്കാന്‍ ശ്രമം

  • By Staff

ദില്ലി: പ്രധാനമന്ത്രിയുടെ സുരക്ഷാ കാറുകള്‍ക്ക് നേരെ മോട്ടോര്‍സൈക്കിള്‍ ഓടിച്ചുകയറ്റാന്‍ ശ്രമം. ജനവരി 30 വ്യാഴാഴ്ചയാണ് പ്രധാനമന്ത്രിയുടെ സുരക്ഷാവാഹനവ്യൂഹത്തിന് നേരെ ഒരു യുവാവ് മോട്ടോര്‍ സൈക്കിള്‍ ഓടിച്ചുകയറ്റാന്‍ ശ്രമിച്ചത്.

പ്രധാനമന്ത്രിയുടെ സുരക്ഷാവാഹനവ്യൂഹം തെക്കന്‍ ദില്ലിയില്‍ നിസാമുദ്ദീന്‍ പാലത്തിന് അരികിലെത്തിയപ്പോഴാണ് ആക്രമണ ശ്രമം. മോട്ടോര്‍ സൈക്കിളില്‍ വന്ന യുവാവ് പിന്‍നിരയിലെ അകമ്പടി സുരക്ഷാവാഹനങ്ങളെ മറികടന്ന് പ്രധാനമന്ത്രിയുടെ വാഹനത്തിന് അടുത്തുള്ള കാറില്‍ വന്നിടിക്കാന്‍ ശ്രമിക്കുകയായിരുന്നു. മോട്ടോര്‍ സൈക്കളില്‍ വന്ന യുവാവിനെ അറസ്റ്ചെയ്തു. അതുല്‍ ത്യാഗി എന്ന ഈ ചെറുപ്പക്കാരന്‍ ഹീറോ ഹോണ്ട കമ്പനിയില്‍ ജീവനക്കാരനാണ്.

കഴിഞ്ഞ രണ്ടാഴ്ചക്കുള്ളില്‍ പ്രധാനമന്ത്രിയുടെ സുരക്ഷാവാഹനവ്യൂഹത്തെ അതിലംഘിച്ച മൂന്നാമത്തെ ശ്രമമായിരുന്നു ഇത്. ജനവരി 28ന് പ്രധാനമന്ത്രിയുടെ അകമ്പടി വാഹനങ്ങളെ ഒരു മാരുതി കാര്‍ മറികടക്കാന്‍ ശ്രമിച്ചിരുന്നു. പ്രധാനമന്ത്രിയുടെ വാഹനത്തിന് നേരെ കാറോടിച്ച് കയറ്റാന്‍ ശ്രമിച്ചത് ഭീകരരല്ല, മദ്യപരാണെന്ന് അന്വേഷണത്തില്‍ തെളിഞ്ഞിരുന്നു. പ്രധാനമന്ത്രിക്ക് സുരക്ഷാ വലയമൊരുക്കുന്ന സ്പെഷല്‍ പ്രൊട്ടക്ഷന്‍ ഗ്രൂപ്പിന്റെ ആംബുലന്‍സിന് നേരെ വെളുത്ത മാരുതി കാര്‍ പാഞ്ഞുചെല്ലുകയായിരുന്നു. എസ്പിജിക്കാര്‍ ഏഴുതവണ വെടിവച്ചെങ്കിലും മാരുതി കാറിനെ തടഞ്ഞുനിര്‍ത്താനായില്ല. പിന്നീട് അവരെ പിടികൂടി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X