എംഎല്എ നിരാഹാരം നിര്ത്തണം: ആന്റണി
തിരുവനന്തപുരം: ഷിബു ബേബിജോണ് എംഎല്എ നിരാഹാരം അവസാനിപ്പിക്കണമെന്ന് മുഖ്യമന്ത്രി എ.കെ. ആന്റണിയുടെ അഭ്യര്ത്ഥന. കൊല്ലത്ത് ചവറയിലെ ഇന്ത്യന് റെയര് എര്ത്ത് (ഐആര്ഇ) ഓഫീസിന് മുന്നിലാണ് ഷിബു ബേബിജോണ് എംഎല്എ നിരാഹാരം തുടങ്ങിയിരിക്കുന്നത്.
തൊഴിലാളികളുമായി ഉണ്ടാക്കിയ കരാര് ഐആര്ഇ മാനേജ്മെന്റ് ലംഘിച്ചതില് പ്രതിഷേധിച്ചാണ് ഷിബു ബേബിജോണിന്റെ നിരാഹാരം. ജനവരി 30 വ്യാഴാഴ്ച എംഎല്എയുടെ നിരാഹാരം കേരളാ കോണ്ഗ്രസ് (ബി) നേതാവ് ആര്. ബാലകൃഷ്ണപിള്ളയാണ് നിയമസഭയില് ഉയര്ത്തിയത്. ഇതിന് മറുപടി പറയവേയാണ് എംഎല്എ ഉടന് നിരാഹാരം നിര്ത്തണമെന്ന് ആന്റണി ആവശ്യപ്പെട്ടത്.
ഈ പ്രശ്നം ചര്ച്ച ചെയ്യാന് അടിയന്തരമായി യോഗം വിളിക്കണമെന്ന് വ്യവസായ, തൊഴില് മന്ത്രിമാരോട് നിര്ദേശിച്ചിട്ടുണ്ട്. ഐആര്ഇയിലെ പ്രശ്നം കേന്ദ്രമന്ത്രിയുടെയും കേന്ദ്ര തൊഴില്വകുപ്പിലെ ഉദ്യോഗസ്ഥരുടെയും ശ്രദ്ധയില്പ്പെടുത്തിയിട്ടുണ്ട്. - ആന്റണി പറഞ്ഞു.
ഈ പശ്ചാത്തലത്തില് ഐആര്ഇ തൊഴിലാളി അസോസിയേഷന് നേതാവായ ഷിബു ബേബിജോണ് നിരാഹാരം അവസാനിപ്പിക്കണമെന്നും ആന്റണി അഭ്യര്ത്ഥിച്ചു.