ഗള്ഫ്: മടങ്ങുന്നവര്ക്ക് പരിശീലനം
പാലക്കാട്: പൊതുമാപ്പ് ലഭിച്ച് യു.എ.ഇ യില് നിന്ന് കേരളത്തില് തിരിച്ചെത്തുന്ന മലയാളികള്ക്ക് തൊഴില് പരിശീലനം നല്കുമെന്ന് പ്രവാസികാര്യ മന്ത്രി എം.എം ഹസന്. ഫിബ്രവരി മൂന്ന് തിങ്കളാഴ്ച വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
എത്ര പേര് ഉണ്ടെന്നും അവര് ഏതൊക്കെ മേഖലകളില് പ്രവര്ത്തിച്ചിരുന്നവരാണെന്നും കണ്ടെത്തിയതിന് ശേഷം പരിശീലനത്തെ സംബന്ധിച്ച് വ്യക്തമായ രൂപരേഖ തയ്യാറാക്കും. ഇതിനകം പൊതുമാപ്പ് ലഭിച്ച ആയിരത്തോളം പേര് കേരളത്തില് മടങ്ങിയെത്തിയിട്ടുണ്ട്. - അദ്ദേഹം പറഞ്ഞു.
ഇവരുടെ പുനരധിവാസ പ്രശ്നം സംബന്ധിച്ച് ചര്ച്ച ചെയ്യുന്നതിന് ചൊവാഴ്ച തിരുവനന്തപുരത്ത് മുഖ്യമന്ത്രി എ.പി മാരുടെ യോഗം വിളിച്ച് ചേര്ക്കുന്നുണ്ട്. പൊതുമാപ്പ് ലഭിച്ചവരെ വിമാനമാര്ഗ്ഗവും കപ്പല് മാര്ഗ്ഗവും സൗജന്യമായി കൊണ്ടുവരുന്നതിന് സര്ക്കാര് ശ്രമങ്ങള് തുടങ്ങിയിട്ടുണ്ട്.