ടി. എ. മജീദിന്റെ ഫെയര്‍ഫാര്‍മയില്‍ റെയ്ഡ്

കൊച്ചി: എയ്ഡ്സിനുള്ള മരുന്ന് വില്‍ക്കുന്ന ടി. എ. മജീദിന്റെ ഫെയര്‍ഫാര്‍മ എന്ന സ്ഥാപനം അസിസ്റന്റ് ഡ്രഗ് കണ്‍ട്രോളര്‍ (ഇന്റലിജന്‍സ്) റെയ്ഡ് ചെയ്തു.

എയ്ഡ്സിനുള്ള മരുന്ന് വില്‍ക്കാന്‍ അനുവാദമില്ലാതിരിക്കെ സിഎഫ്എസ് ക്യൂര്‍ എന്ന മരുന്ന് വിറ്റതിനാണ് ഫിബ്രവരി ആറ് വ്യാഴാഴ്ച റെയ്ഡ് നടത്തിയത്. എയ്ഡ്സിനെ പ്രതിരോധിക്കുന്ന മരുന്നെന്ന അവകാശവാദത്തോടെയാണ് സിഎഫ്എസ് ക്യൂര്‍ വിറ്റുവന്നിരുന്നതെന്ന് പറയുന്നു.

ഡ്രഗ്സ് കണ്‍ട്രോളര്‍ എം. പി. ജോര്‍ജിന്റെ നേതൃത്വത്തില്‍ നടത്തിയ റെയ്ഡില്‍ മരുന്നുകളും വിദേശത്തേക്ക് മരുന്ന് കയറ്റിയച്ചതിന്റെ രേഖകളും പിടിച്ചെടുത്തു. ഫെയര്‍ ഫാര്‍മയില്‍ മരുന്ന് വാങ്ങാനെത്തിയ രോഗികളില്‍ നിന്ന് എച്ച്ഐവി പോസിറ്റീവ് എന്ന് രേഖപ്പെടുത്തിയ രേഖകളും പിടിച്ചെടുത്തു.