കാര്യങ്ങൾ അതിവേഗം അറിയാൻ
For Daily Alerts
പ്ലേവിന്: നാല് കോടി അശോകന്
തിരുവനന്തപുരം: പ്ലേവിന് തണ്ടര് ബോള് ജാക്പോട്ട് സമ്മാനം കിളിമാനൂര് സ്വദേശി അശോകന്. 4.19 കോടി രൂപയുടേതാണ് സമ്മാനം.
നാല് കോടി രൂപയുടെ ജാക്പോട്ട് അടിച്ചതായി അറിയിക്കാന് പ്ലേവിന് ലോട്ടറിയുടെ അധികൃതര് വീട്ടിലെത്തിയെങ്കിലും അശോകന് വിശ്വാസമായില്ല. ഒടുവില് തൊട്ടടുത്ത ഫെഡറല് ബാങ്കില് ടിക്കറ്റ് ഏല്പിച്ചപ്പോഴാണ് അശോകന് താന് കോടിപതിയായിക്കഴിഞ്ഞെന്ന് മനസ്സിലായത്.
പത്തനംതിട്ട സ്വകാര്യബസ് സ്റാന്ഡില് ന്യൂ റോളക്സ് ഹോട്ടലില് പാചകക്കാരനാണ് അശോകന്. ദിവസം 140 രൂപ ശമ്പളത്തിനാണ് അശോകന് ജോലിചെയ്തിരുന്നത്. ദിവസേന 20 രൂപയുടെ പ്ലേവിന് ലോട്ടറിയെടുക്കല് അശോകന് പതിവാക്കിയിരുന്നു. പത്തനംതിട്ടയിലെ ആഞ്ജനേയ ഏജന്സീസില് നിന്നാണ് അശോകന് ലോട്ടറി വാങ്ങിയത്.
Story first published: Friday, February 7, 2003, 5:30 [IST]