കുപ്പിവെള്ളം ശുദ്ധജലമല്ലെന്ന് മന്ത്രി

തിരുവനന്തപുരം: കുപ്പിവെള്ളം ഉപയോഗിയ്ക്കുന്നതുകൊണ്ടുള്ള ദോഷങ്ങളെക്കുറിച്ച് ബോധന പരിപാടി സംഘടിപ്പിയ്ക്കുമെന്ന് പൊതു വിതരണ വകുപ്പ് മന്ത്രി ജി. കാര്‍ത്തികേയന്‍.

സര്‍ക്കാരായിരിയ്ക്കും ഈ പദ്ധതി നടപ്പാക്കുക. പ്രധാനമായും വിപണിയിലുള്ള 30 കമ്പനികളുടെ വെള്ളത്തിലും കീടനാശിനികളുടെ അംശമുണ്ടെന്ന് പഠനത്തില്‍ വ്യക്തമായിട്ടുണ്ടെന്ന് കാര്‍ത്തികേയന്‍ പറഞ്ഞു. ദില്ലി ആസ്ഥാനമാക്കി പ്രവര്‍ത്തിയ്ക്കുന്ന ഒരു സ്വതന്ത്ര സംഘടനയാണ് ഈ പഠനം നടത്തിയത്. ഇവയില്‍ ചില കുപ്പിവെള്ളങ്ങള്‍ കേരളത്തിലും വില്കുന്നുണ്ട്. കേരളത്തില്‍ കുപ്പിവെള്ളത്തിന് നല്ല കച്ചവടമാണ്.

ദില്ലിയിലെ സ്വതന്ത്ര സംഘടനയുടെ കണ്ടെത്തലിനെക്കുറിച്ച് ഉടനേ അന്വേഷണം നടത്തണമെന്ന് ആവശ്യപ്പെട്ട് പ്രധാനമന്ത്രിയ്ക്ക് നിവേദനം നല്‍കിയിട്ടുണ്ടെന്നും കാര്‍ത്തികേയന്‍ പറഞ്ഞു.