കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഗോത്രസഭയ്ക്ക് പിന്നില്‍ പീപ്പിള്‍സ് വാര്‍ ഗ്രൂപ്പ്

  • By Staff
Google Oneindia Malayalam News

വയനാട്: മുത്തങ്ങയില്‍ വനം കയ്യേറിയ ആദിവാസി ഗോത്രസഭയ്ക്ക് പിന്നില്‍ പീപ്പിള്‍സ് വാര്‍ ഗ്രൂപ്പാ(പിഡബ്ല്യുജി)ണെന്ന് സംശയം. ആന്ധ്രയിലെ നിരോധിക്കപ്പെട്ട, സായുധസമരം മാര്‍ഗ്ഗമാക്കിയ നക്സലൈറ്റ് സംഘടനയാണ് പിഡബ്ല്യുജി.

പിഡബ്ല്യുജിയില്‍ നിന്നും പരിശീലനം ലഭിച്ച ചിലരാണ് മുത്തങ്ങയിലെ കലാപത്തിന് നേതൃത്വം നല്കിയതെന്ന് കരുതുന്നു. ഗോത്രസഭാ പ്രവര്‍ത്തകര്‍ ബന്ദികളാക്കിയ ഫോറസ്റ് ജീവനക്കാരുടെ കൈകള്‍ പിന്നിലേക്ക് കെട്ടിയിരുന്നു. പിഡബ്ല്യുജിയുടെ രീതിയാണത്രെ ഇത്.

അപകടമുണ്ടെങ്കില്‍ സൂചനയായി കൊടി ഉയര്‍ത്തുന്ന ശൈലിയും ആദിവാസി ഗോത്രസഭാ പ്രവര്‍ത്തകര്‍ പിന്തുടരുന്നു. ഇതും പിഡബ്ല്യുജിയുടെ മാര്‍ഗ്ഗമാണ്. പ്രദേശങ്ങള്‍ കയ്യേറി അവിടെ സ്വയംഭരണം പ്രഖ്യാപിക്കുന്ന രീതിയും പിഡബ്ല്യുജിയ്ക്കുണ്ട്. ഇതേ രീതിയിലാണ് മുത്തങ്ങയില്‍ ആദിവാസി ഗോത്ര സഭ വനം കയ്യേറി സ്വയം ഭരണം പ്രഖ്യാപിച്ചത്.

സര്‍ക്കാര്‍ ഉദ്യോഗസ്ഥരെയും പൊലീസുകാരെയും ബന്ദികളാക്കി വിലപേശുന്ന പിഡബ്ല്യുജി ശൈലിയും ആദിവാസി ഗോത്രസഭ പയറ്റിയിരുന്നു. സഭയുടെ പ്രവര്‍ത്തനങ്ങളുമായി അടുത്ത കാലത്ത് ബന്ധപ്പെട്ടു തുടങ്ങിയ ഗീതാനന്ദന്‍ മുന്‍ നക്സലൈറ്റാണ്. ഇയാള്‍ക്ക് പിഡബ്ല്യുജിയില്‍ നിന്നും നേരിട്ട് പരിശീലനം ലഭിച്ചിരുന്നു.

മുത്തങ്ങ വനഭൂമി കഴിഞ്ഞ ഒന്നരമാസമായി ഗോത്രസഭ കയ്യേറിയിരുന്നു. ഇക്കൂട്ടത്തില്‍ മലയാളം അറിയാത്തവരും ഉണ്ടായിരുന്നതായി പറയുന്നു. ഒന്നരമാസം മുമ്പ് വയനാട്ടില്‍ പലയിടത്തും പിഡബ്ല്യുജിയുടെ പോസ്ററുകള്‍ കണ്ടിരുന്നതായും പറയപ്പെടുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X