മദ്യനയം: ഉപസമിതിയെ നിയോഗിച്ചു

തിരുവനന്തപുരം: മദ്യനയം സംബന്ധിച്ച് പഠനം നടത്താന്‍ യു ഡി എഫ് ഉപസമിതിയെ നിയോഗിച്ചു.

ഫിബ്രവരി 23 ഞായറാഴ്ച ചേര്‍ന്ന യു ഡി എഫ് ഉന്നതാധികാര സമിതി യോഗത്തില്‍ മദ്യനയം സംബന്ധിച്ച് ചര്‍ച്ച ചെയ്തില്ല. ഇതുസംബന്ധിച്ച സര്‍ക്കാര്‍ നിര്‍ദേശം ഉപസമിതി പഠിച്ച് റിപ്പോര്‍ട്ട് സമര്‍പ്പിക്കും.

കെ. ശങ്കരനാരായണന്‍, കെ. ആര്‍. ഗൗരിയമ്മ, കടവൂര്‍ ശിവദാസന്‍, ബാബു ദിവാകരന്‍, ജോയി എബ്രഹാം, എ. വി. താമരാക്ഷന്‍, ജോണി നെല്ലൂര്‍, എ. കെ. കണ്ണന്‍, കെ. ജി. കുട്ടന്‍നായര്‍ എന്നിവരാണ് ഉപസമിതിയിലെ അംഗങ്ങള്‍. ഉപസമിതി റിപ്പോര്‍ട്ടിന്റെ അടിസ്ഥാനത്തില്‍ മദ്യയം സംബന്ധിച്ച് മാര്‍ച്ച് ഏഴിന് യു ഡി എഫ് തീരുമാനമെടുക്കും.

സര്‍ക്കാര്‍ ജീവനക്കാരുടെ സമരം കഴിഞ്ഞ് ഒരു മാസമാവുന്ന സാഹചര്യത്തില്‍ സര്‍വീസ് സംഘടനാ നേതാക്കളുമായി ചര്‍ച്ച നടത്താന്‍ യോഗം തീരുമാനിച്ചു.

പത്തു വര്‍ഷത്തിലേറെ പഴക്കമുള്ള കെ എസ് ആര്‍ ടി സി മാറ്റി പുതിയവ സര്‍വീസിനായി ഉപയോഗിക്കാനും തോട്ടം നികുതിയില്‍ ഇളവ് വരുത്താനും യു ഡി എഫ് യോഗം ശുപാര്‍ശ ചെയ്തു.