കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മുത്തങ്ങ: അന്വേഷണം പിഡിപിയിലേക്കും

  • By Staff
Google Oneindia Malayalam News

ബത്തേരി: മുത്തങ്ങയിലെ ആദിവാസി സമരത്തെ കുറിച്ചുള്ള പൊലീസിന്റെ അന്വേഷണം പി ഡി പിയിലേക്കും തിരിയുന്നു. മുത്തങ്ങയിലെ ആദിവാസികള്‍ക്ക് ആയുധമെത്തിച്ചു കൊടുത്തത് പി ഡി പിക്കാരാണെന്ന സംശയത്തിന്റെ അടിസ്ഥാനത്തിലാണ് അന്വേഷണം ആ വഴിയ്ക്ക് നീങ്ങുന്നത്. സംഭവത്തില്‍ പി ഡി പിയുടെ പങ്കിനെ കുറിച്ച് അന്വേഷിക്കാന്‍ മാത്രമായി പ്രത്യേക സെല്‍ രൂപീകരിച്ചിട്ടുണ്ട്.

മുത്തങ്ങയില്‍ സമരം ചെയ്യുന്ന ആദിവാസികള്‍ക്ക് പി ഡി പി ഭക്ഷണസാധനങ്ങള്‍ എത്തിച്ചുകൊടുത്തിരുന്നു. അരിയും മൈദയും പരിപ്പും ഉരുളക്കിഴങ്ങും സവാളയുമാണ് ആദിവാസികള്‍ക്ക് മിനി ലോറികളിലായി എത്തിച്ചുകൊടുത്തിരുന്നത്. ഇതോടൊപ്പം ആയുധങ്ങളുമെത്തിച്ചിരുന്നുവെന്നാണ് പൊലീസിന്റെ നിഗമനം.

മുത്തങ്ങയില്‍ ആദിവാസികളില്‍ നിന്ന് പിടിച്ചെടുത്ത ആയുധങ്ങള്‍ പരിശോധിച്ചപ്പോള്‍ അവയില്‍ അരിയുടെയും മൈദയുടെയും അവശിഷ്ടങ്ങള്‍ കണ്ടു. തുടര്‍ന്നാണ് അരിയും മൈദയും എത്തിച്ചുകൊടുത്തതാരാണെന്ന് അന്വേഷിച്ചത്.

ആദിവാസി ഗോത്രസഭയുടെ സമരങ്ങള്‍ക്ക് പി ഡി പി പിന്തുണയുണ്ടായിരുന്നുവെന്ന് പൊലീസ് ചൂണ്ടിക്കാട്ടുന്നു. അബ്ദുള്‍ നാസര്‍ മദ്നിയെ മോചിപ്പിക്കുന്നതിന് നടപടികളൊന്നും സ്വീകരിക്കാത്ത ആന്റണിയോട് പകപോക്കാനായി പി ഡി പി ആദിവാസികളെ ഉപയോഗപ്പെടുത്തുകയായിരുന്നുവെന്ന് പൊലീസ് കരുതുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X