രണ്ട് തീവണ്ടികള്‍ ദീര്‍ഘിപ്പിച്ചു

ദില്ലി: കേരളത്തിലെ രണ്ട് തീവണ്ടികള്‍ ദീര്‍ഘിപ്പിച്ചു. ഹൈദരാബാദില്‍ നിന്ന് എറണാകുളം വരുന്ന ശബരി എക്സ്പ്രസ് ഇനിമുതല്‍ തിരുവനന്തപുരം വരെ യാത്രചെയ്യും. ആഴ്ചയില്‍ മൂന്ന് ദിവസമാണ് ഈ തീവണ്ടി. എറണാകുളത്ത് നിന്ന് ദിവസവും കോഴിക്കോട് വരെ പോകുന്ന തീവണ്ടി ഇനിമുതല്‍ കണ്ണൂര്‍ വരെ യാത്രചെയ്യും.

കേരളത്തിന് കിട്ടിയ ഏക പുതിയ തീവണ്ടി തിരുവനന്തപുരത്ത് നിന്ന് രാജസ്ഥാനിലെ ജോധ്പൂര്‍ വരെ പോകുന്നതാണ്.

ഈ റയില്‍വേ ബജറ്റ് കേരളത്തിന് കാര്യമായി ഒന്നും തരുന്നില്ല. കോണ്‍ഗ്രസ് സര്‍ക്കാരിന് കേന്ദ്രത്തിലെ എന്‍ ഡി എ സര്‍ക്കാരിനെ പഴിചാരാന്‍ കാര്യം കിട്ടി എന്ന് കരുതാം.