മുന് വിസിയ്ക്കെതിര നടപടിക്ക് ശുപാര്ശ
തിരുവനന്തപുരം: സാമ്പത്തിക ക്രമേക്കട് കാട്ടിയതിന് കാര്ഷിക സര്വകലാശാല മുന് വൈസ് ചാന്സലര്ക്കും മുന് പി വി സിയ്ക്കുമെതിരെ നടപടി സ്വീകരിക്കാന് ധനവകുപ്പിന്റെ പരിശോധനാ വിഭാഗത്തിന്റെ റിപ്പോര്ട്ടില് ശുപാര്ശ ചെയ്തു.
കാര്ഷിക സര്വകലാശാല ഉദ്യോഗസ്ഥര്ക്ക് ശമ്പളഇനത്തില് 26 കോടിയോളം രൂപ അധികം നല്കിയതായി പരിശോധനാ വിഭാഗം കണ്ടെത്തി. ജനകീയാസൂത്രണ പരിപാടികളും ക്രമക്കേട് നടന്നു.
മുന് വൈസ് ചാന്സലര് കെ. എന്. ശ്യാമസുന്ദരന്നായര്ക്കും മുന് പ്രോ വൈസ് ചാന്സലര് പത്തിയൂര് ഗോപിനാഥിനും നിര്വാഹക സമിതി അംഗങ്ങള്ക്കും എതിരെ നടപടി സ്വീകരിക്കണമെന്നാണ് ശുപാര്ശ.
ധനവകുപ്പ് ഡെപ്യൂട്ടി സെക്രട്ടറി ബാബു രാജേന്ദ്രന്റെ നേതൃത്വത്തിലുള്ള സംഘമാണ് പരിശോധന നടത്തിയത്. റിപ്പോര്ട്ട് കൃഷിമന്ത്രിയും ധനമന്ത്രിയും അംഗീകരിച്ചു.
ജനകീയാസൂത്രണത്തിന്റെ ഭാഗമായി നടപ്പിലാക്കിയ പദ്ധതികളുമായി ബന്ധപ്പെട്ട് സര്വകലാശാലയുടെ അനുമതിയില്ലാതെ ഉദ്യോഗസ്ഥര് വന്തുക വാങ്ങിയതായും റിപ്പോര്ട്ടില് പറയുന്നു.