മുത്തങ്ങ അടിയന്തിരാവസ്ഥ പോലെ
കൊല്ലം: അടിയന്തിരാവസ്ഥ കാലത്തുണ്ടായതു പോലുള്ള സംഭവങ്ങളാണ് മുത്തങ്ങയിലുണ്ടായതെന്ന് പ്രശസ്ത പത്രപ്രവര്ത്തകനും മനുഷ്യാവകാശ പ്രവര്ത്തകനും രാജ്യസഭാംഗവുമായ കുല്ദിപ് നയ്യാര് പറഞ്ഞു.
അടിയന്തിരാവസ്ഥ കാലത്ത് ഇന്ദിരാഗാന്ധി സ്വീകരിച്ചതുപോലുള്ള നിലപാടാണ് ആന്റണി ആദിവാസി പ്രശ്നത്തില് സ്വീകരിക്കുന്നത്. പഴയ ആന്റണിയില് നിന്ന് ഇപ്പോഴത്തെ ആന്റണിയ്ക്ക് ഒരുപാടു മാറ്റങ്ങളുണ്ട്.
എ ഐ എസ് എഫ് സംസ്ഥാന സമ്മേളനത്തോടനുബന്ധിച്ചു നടന്ന പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു കുല്ദിപ് നയ്യാര്.
മുത്തങ്ങ സംഭവം രാജ്യസഭയില് അവതരിപ്പിക്കുമെന്ന് തിരുവനന്തപുരം പ്രസ് ക്ലബിന്റെ മീറ്റ് ദ പ്രസ് പരിപാടിയില് കുല്ദിപ് നയ്യാര് പറഞ്ഞു. ആദിവാസി ഭൂമി കൈയടക്കിയവരെ ഒഴിപ്പിക്കേണ്ടതുണ്ട്.
മാധ്യമ പ്രവര്ത്തരെ സംഭവസ്ഥലത്തു നിന്ന് അകറ്റിനിര്ത്തിയ സംഭവം ശരിയല്ല. മുത്തങ്ങ സംഭവം സംബന്ധിച്ച മാധ്യമ റിപ്പോര്ട്ടുകളില് ആന്റണി കുപിതനാണെന്ന് അദ്ദേഹവുമായി നടത്തിയ കൂടിക്കാഴ്ചയില് മനസിലാക്കാനായി. പ്രസ് കൗണ്സിലിനോ എഡിറ്റേഴ്സ് ഗില്ഡിനോ പരാതി നല്കാന് ഒരുങ്ങുകയാണ് അദ്ദേഹം. എന്നാല് സത്യം കണ്ടെത്തുകയാണ് മാധ്യമപ്രവര്ത്തനമെന്നാണ് തന്റെ അഭിപ്രായം. കുല്ദിപ് നയ്യാര് പറഞ്ഞു.