ഇനി അവിടെ ഗാര്‍ഡന്‍സ് ഓഫ് ദ് വേള്‍ഡ്

ന്യൂയോര്‍ക്ക്: തകര്‍ന്ന വേള്‍ഡ് ട്രേഡ് സെന്ററിന്റെ സ്ഥാനത്ത് പുതിയ കെട്ടിടം വരുന്നു. ഗാര്‍ഡന്‍സ് ഓഫ് ദ് വേള്‍ഡ് - എന്നാണ് ഈ പുതിയ കെട്ടിടത്തിന് പേര്.

ഇതിന്റെ രൂപ കല്പന ഒരു ജര്‍മ്മന്‍ വാസ്തു ശില്പി യാണ് ചെയ്തിരിയ്ക്കുന്നത്. ഡാനിയല്‍ ലിബ്സ്കിന്റ് എന്ന ഈ വാസ്തു ശില്പി ബര്‍ലിന്‍ ആസ്ഥാനമായാണ് പ്രവര്‍ത്തിയ്ക്കുന്നത്. പലരും സമര്‍പ്പിച്ച ശില്പ രൂപങ്ങളില്‍ നിന്നാണ് ഇദ്ദേഹത്തിന്റെ മാതൃക സ്വീകരിച്ചത്. വാസ്തുശില്പികളുടെ ഒരു സംഘമാണ് ഈ മാതൃക തിരിഞ്ഞെടുത്തത്. 1776 അടിയായിരിയ്ക്കും ഈ പുതിയ കെട്ടിടത്തിന്റെ ഉയരം.

ലോക വ്യാപാര കേന്ദ്രത്തിന് 1350 അടി ഉയരമാണ് ഉണ്ടായിരുന്നത്.

ലോക വ്യാപാര കേന്ദ്രം തകര്‍ന്ന സ്ഥലത്ത് അപകടത്തില്‍ മരിച്ചവര്‍ക്കായി ഒരു സ്മാരകവും ഉയരുന്നുണ്ട്. ഇതിന്റെ മാതൃക ഇതുവരെ തയ്യാറായിട്ടില്ല. ഇതിനായും ഒരു മത്സരം സംഘടിപ്പിയ്ക്കുന്നുണ്ട്.