ഇത് ജനപ്രീയ ബജറ്റ്: ജസ്വന്ത് സിംഹ്

ദില്ലി: 2003-2004 ലെ ബജറ്റ് ജനപ്രീയ ബജറ്റാണെന്ന് ധനമന്ത്രി ജസ്വന്ത് സിംഹ് അഭിപ്രായപ്പെട്ടു.

കൃഷി, വ്യവസായം എന്നിവയെ ഉദ്ധരിയ്ക്കുകയും ദാരിദ്യ്രം അകറ്റുകയുമാണ് ഈ ബജറ്റിന്റെ ലക്ഷ്യം. ഇനിയും രാജ്യത്തെ താഴോട്ട് പോകാന്‍ അനുവദിയ്ക്കുകില്ല. നാം പുരോഗമനത്തിന്റെ പാതയിലാണ്. ബജറ്റ് അവതരണത്തിന് ശേഷം ജസ്വന്ത് സിംഹ് വാര്‍ത്താ ലേഖരോട് പറഞ്ഞു.

യാതൊരു നിവര്‍ത്തിയുമില്ലാത്തതുകൊണ്ട് മാത്രമാണ് പി പി എഫ് നിക്ഷേപത്തിന്റെ പലിശ ഒരുശതമാനം കുറച്ചത്. അദ്ദേഹം വ്യക്തമാക്കി.