ഗ്രാഫൈറ്റ് കേസില്‍ പിള്ള കുറ്റവിമുക്തന്‍

ദില്ലി: ഗ്രാഫൈറ്റ് കേസില്‍ മുന്‍മന്ത്രി ആര്‍. ബാലകൃഷ്ണപിള്ളയെ സുപ്രിം കോടതി കുറ്റവിമുക്തനാക്കി.

ഒരു വര്‍ഷത്തെ കഠിനതടവിനും 10,000 രൂപ പിഴയുമാണ് വിജിലന്‍സ് കോടതി ബാലകൃഷ്ണപിള്ളയ്ക്ക് ശിക്ഷ വിധിച്ചിരുന്നത്. ഇത് ഹൈക്കോടതി ശരിവെച്ചിരുന്നു. ഈ വിധിയാണ് സുപ്രിം കോടതി റദ്ദാക്കിയത്.

മുന്‍ വൈദ്യുതി ബോര്‍ഡ് ചെയര്‍മാന്‍ പി. കേശവപിള്ളയ്ക്കെതിരായ വിധിയും ഹൈക്കോടതി റദ്ദാക്കി.

1984-85ല്‍ വൈദ്യുതി മന്ത്രിയായിരുന്ന പിള്ള വൈദ്യുതിമറിച്ചു വിറ്റു എന്നതായിരുന്നു കേസ്. കര്‍ണാടകത്തിലെ ഗ്രാഫൈറ്റ് കമ്പനിയ്ക്ക് വൈദ്യുതി മറിച്ചുവിറ്റ് പിള്ള 19.5 ലക്ഷം രൂപ അനധികൃതമായി സമ്പാദിച്ചതായാണ് ആരോപണം.

മന്ത്രി ഗണേശ് രാജി നല്‍കി

പിള്ളയെ സുപ്രിം കോടതി കുറ്റവിമുക്തനാക്കിയതിനെ തുടര്‍ന്ന് ഗതാഗതമന്ത്രി കെ. ബി. ഗണേശ്കുമാര്‍ കേരള കോണ്‍ഗ്രസ് (ബി) ചെയര്‍മാന് രാജിക്കത്ത് നല്‍കി.

ആരെ മന്ത്രിയാക്കണമെന്നതു സംബന്ധിച്ച് മാര്‍ച്ച് ആറിന് നടക്കുന്ന പാര്‍ട്ടി യോഗത്തില്‍ തീരുമാനിക്കുമെന്ന് ബാലകൃഷ്ണപിള്ള അറിയിച്ചു. അതുവരെ ഗണേഷ്കുമാര്‍ മന്ത്രിയായി തുടരും.