കാര്യങ്ങൾ അതിവേഗം അറിയാൻ
For Daily Alerts
മദ്നിയുടെ വിചാരണ ഏപ്രില് 25ലേക്ക് മാറ്റി
കൊച്ചി: അബ്ദുള് നാസര് മദ്നിയ്ക്കെതിരായ 16 കേസുകളിന്മേലുള്ള വിചാരണ എറണാകുളം അഡീഷണല് ചീഫ് ജുഡീഷ്യല് മജിസ്ട്രേറ്റ് സി. സി. സ്കറിയ ഏപ്രില് 25 ലേക്ക് മാറ്റി.
മദ്നിയെ മാര്ച്ച് നാല് ചൊവാഴ്ച മജിസ്ട്രേറ്റിന് മുന്നില് ഹാജരാക്കേണ്ടതായിരുന്നു. മദ്നിയെ കോയമ്പത്തൂര് ബോംബ് സ്ഫോടനക്കേസുകള് കൈകാര്യം ചെയ്യുന്ന പ്രത്യേക കോടതിയില് മാത്രമേ ഹാജരാക്കുവെന്നും മറ്റൊരു കോടതിയിലും ഹാജരാക്കേണ്ടതില്ലെന്നും തമിഴ്നാട് സര്ക്കാര് തീരുമാനിച്ചതിനെ തുടര്ന്ന് മദ്നിയെ ഹാജരാക്കാനാവില്ലെന്ന് കോയമ്പത്തൂര് ജയില് സൂപ്രണ്ട് കോടതിയെ അറിയിക്കുകയായിരുന്നു.
ഹൈക്കോടതി നിര്ദേശത്തിന്റെ അടിസ്ഥാനത്തിലാണ് സംസ്ഥാനത്തിന്റെ വിവിധ ഭാഗങ്ങളിലുള്ള മദ്നിയ്ക്കെതിരായ 16 കേസുകള് എറണാകുളം ചീഫ് ജുഡീഷ്യല് മജിസ്ട്രേറ്റ് കോടതിയിലേക്ക് മാറ്റിയത്.
Story first published: Wednesday, March 5, 2003, 23:53 [IST]