ഉമേഷ് വീണ്ടും സത്യപ്രതിജ്ഞ ചെയ്യും
തിരുവനന്തപുരം: ജെ എസ് എസ് എം എല് എ ഉമേഷ് ചള്ളിയില് നിയമസഭയില് വീണ്ടും സത്യപ്രതിജ്ഞ ചെയ്യും.
മന്ത്രി കെ. ആര്. ഗൗരിയമ്മയാണ് മാര്ച്ച് ആറ് വ്യാഴാഴ്ച വാര്ത്താ സമ്മേളനത്തില് ഇക്കാര്യം അറിയിച്ചത്.
വീണ്ടും സത്യപ്രതിജ്ഞ ചെയ്യുമെങ്കിലും സത്യപ്രതിജ്ഞ സംബന്ധിച്ച നിലപാടില് നിന്ന് പിന്നോക്കം പോവില്ല. ശ്രീനാരായണഗുരുവിന്റെ പേരില് സത്യപ്രതിജ്ഞ ചെയ്തത് അസാധുവാക്കിയ ഹൈക്കോടതി വിധിയ്ക്കെതിരെ സുപ്രിം കോടതിയില് ഹര്ജി നല്കും.
ഹൈക്കോടതി നിര്ദേശ പ്രകാരം വീണ്ടും സത്യപ്രതിജ്ഞ ചെയ്യുന്നതു സംബന്ധിച്ച് സ്പീക്കറുമായി ഉമേഷ് ചള്ളിയില് വ്യാഴാഴ്ച ചര്ച്ച ചെയ്തു.
ഹൈക്കോടതി വിധിയ്ക്കെതിരെ സുപ്രിം കോടതിയെ സമീപിക്കുകയാണെങ്കില് വിധി വരുന്നതുവരെ നിയമസഭയില് ഹാജരാവാന് ഉമേഷ് ചള്ളിയിലിന് കഴിയില്ലയെന്നതിനാലാണ് വീണ്ടും സത്യപ്രതിജ്ഞ ചെയ്യാന് തീരുമാനിച്ചത്.
വീണ്ടും സത്യപ്രതിജ്ഞ ചെയ്യുകയാണെങ്കില് ഹൈക്കോടതി ഉത്തരവ് പ്രകാരം ഇതുവരെ നിയമസഭയിലിരുന്നതിന് ഒരു ദിവസം 500 രൂപ എന്ന കണക്കില് ഉമേഷ് കൈപറ്റിയ തുക തിരിച്ചുനല്കേണ്ടിവരും.